2021-03-27 17:22
Ашот АРАМЯН
0
ԳԾԻԿՈՎ ԶՐՈ ԵՎ ԳԾԻԿ՝ ԶՐՈՅՈՎ
Ընտրությունների նախաշեմին կառավարությունում նախապատրաստվող մանիպուլյացիաների մասին
Հայաստանի էկոնոմիկայի նախարար Վահան Քերոբյանը շարունակում է ապշեցնել հասարակայնությանը տնտեսության զարգացման վերաբերյալ իրականությունից կտրված իր կանխատեսումներով: Նիկոլ Փաշինյանն իր անհեռանկար կադրային քաղաքականությամբ առաջին պլան է մղում սեփական պատկերով ու նմանությամբ ղեկավարների։ Հոգ չէր լինի, թող իրենց համար զուգահեռ իրականություն կառուցեին, բայց արդյունքում հասարակությունն ու տնտեսությունը ստանում են կեղծ ազդանշաններ, ինչը է՛լ ավելի է բարդացնում սոցիալ-տնտեսական վիճակը մեր երկրում։
Նիկոլական թայֆան նույնիսկ դպրոցականների համար ակնհայտ բացասական ցուցանիշները հրամցնում է իբրև իր նվաճումներ, ինչպես դա տեղի ունեցավ երեկ, երբ Հայաստանի վիճակագրական կոմիտեն հրապարակեց ընթացիկ տարվա առաջին երկու ամիսների մակրոտնտեսական թարմ ցուցանիշները: Ահա թե ինչ ասաց անխոնջ նախարարն այդ առնչությամբ. «2021 թ-ի հունվար-փետրվարի արդյունքներն ավելի լավն են, քան 2019 թ-ի արդյունքները, որովհետև 2020 թ-ի հունվար փետրվար ամիսներն էապես ավելի լավն էին, քան 2019 թ-ի հունվար-փետրվարը: Եթե մենք պահենք աճի նույն տեմպը 2019-ի նկատմամբ, ապա 2021-ի վերջում կունենանք ավելի քան 10 տոկոս տնտեսական աճ»։
Մինչդեռ ս.թ. մարտի 25-ին «ԳԱ»-ն արդեն ներկայացրել է 2021 թվականի հունվար-փետրվար ամիսների վիճակագրական տվյալները՝ ընդգծելով, որ բառացիորեն ամբողջ մակրոտնտեսությունը կարմիր ազդանշան է արձակում, այսինքն անկում է ապրում 2020 թվականի համեմատ։ Միակ բացառությունը շինարարության ոլորտն է, որտեղ արձանագրվել է ընդամենը 1% չնչին աճ։ Ուստի անհասկանալի է, թե ինչպես է անկման տեմպերի պարագայում «աճի տեմպերի պահպանման» մասին դատողություններ անող էկոնոմիկայի նախարարի գլխում հասունացել, մեղմ ասած, արտառոց այն միտքը, թե այս տարվա արդյունքները նախորդ տարվա արդյունքներից ավելի լավն են։ Իրականում, և դա ակնհայտ է ցանկացած գրագետ մարդու, 2021 թվականի գրեթե բոլոր ցուցանիշները ցածր են, ընդ որում՝ չափազանց ցածր, 2020-ի նույն ցուցանիշներից։ Հերթական անհեթեթությունն ու նոնսենսը՝ Փաշինյան պոպուլիստ նախարարներից…
Այժմ՝ այդ ողջ տխուր պատմության փոքր-ինչ այլ տեսանկյան մասին։ Նախարար Քերոբյանը շարունակում է պնդել, թե այս տարվա արդյունքներով Հայաստանը կարող է ունենալ երկնիշ, այսինքն առնվազն 10% տնտեսական աճ։ Ոչ մի պատկառելի միջազգային կազմակերպություն նման լավատեսությանը ոչ միայն համամիտ չէ, այլև շատ հեռու է դրանից իր գնահատականներում։ Ավելին, Հայաստանի 2021 թվականի պետբյուջեում այդ ցուցանիշը նախատեսված է ընդամենը 3,2%-ի մակարդակում, իսկ օրերս ՀՀ Կենտրոնական բանկն ընդհանրապես նվազեցրել է իր կանխատեսումը 2%-ից մինչև 1,4%-ի:
Գուցե էկոնոմիկայի նախարարը հույս ունի, թե COVID-19 կորոնավիրուսային վարակի հետ կապված իրավիճակն այս տարի ավելի լավ կլինի և 2021 ու 2020 թվականների մարտյան ցուցանիշների համեմատության դեպքում արդեն կհաջողվի ստանալ բարձր դրական ցուցանիշներ: Հիշեցնենք, որ նախորդ տարվա մարտին և դրանից հետո Հայաստանում մոլեգնում էր համավարակը, ինչը հանգեցրեց լոքդաունի և տնտեսական այլ խնդիրների: Իսկ աշնանն ընդհանրապես պատերազմական ամիսներ էին։ Պարզ ասած, Քերոբյանը ապավինում է, այսպես կոչված, համեմատության ցածր բազայի էֆեկտին, այսինքն, եթե 2020 թվականի մարտին տնտեսությունը գործնականում կանգ էր առել, ապա, նախարարի հաշվարկներով, 2021 թվականի մարտին անխուսափելի է ահռելի աճը, քանի որ համեմատությունը տարվելու է նվազագույն թվերով։
Բայց չէ՞ որ Հայաստանի վրա այս տարի փլուզվել է համավարակի երրորդ ալիքը։ Ոչ մի լոքդաուն և այլ սահմանափակումներ առայժմ, ճիշտ է, չեն հայտարարվել։ Եվ նախարար Քերոբյանը սաստիկ դեմ է սահմանափակումներ մտցնելուն, բացահայտ արտահայտվելով այդ մասին, քանզի այդ դեպքում կփլուզվի իր ողջ ծրագիրը, համեմատության ցածր բազայի խորապատկերին տնտեսության բարձր աճ ցույց տալու իր վերջին հույսը։
Այսպիսով, Էկոնոմիկայի նախարարությունում և ընդհանրապես կառավարությունում արդեն այսօր մեզ համար նախապատրաստում են հերթական բեմադրությունը, ծուղակ-մանիպուլյացիան. չէ՞ որ հասկանալի է, որ եթե համեմատենք փոքր թվերը (օրինակ՝ չնչին 0,1%-ը նույնպես չնչին 1,0%-ի հետ), ապա կարելի է արձանագրել ամբողջ տասնապատիկ աճ։ Այ հենց դրան էլ, ըստ ամենայնի, ապավինում են Փաշինյանի չափազանց կրեատիվ աշխատակազմում։
Ըստ էության, նախարար Քերոբյանը, գիտակցաբար, թե ոչ, խոստովանեց, թե ինչի վրա են հիմնված իր հույսերը, հայտարարելով, որ 2020 թվականի համեմատ «այս տարի տուրիզմի ոլորտում կանխատեսվում է 319 տոկոս աճ»։ Նախարարը կրկին փորձում է ապշեցնել տնտեսության ոլորտից հեռու հասարակայնությանը առաջիկա բարգավաճման խելահեղ թվերով, ընդ որում՝ ճիզվիտաբար հնչեցնելով ոչ կլոր թիվ՝ դրան արժանահավատություն հաղորդելու համար, թե իբր՝ դա ինչ-որ լուրջ հաշվարկների և վերլուծությունների արդյունք է։ Զարմացնում է միայն այն, որ Քերոբյանն ավելի մեծ թիվ չի նշել. չէ՞ որ համեմատելու են գրեթե զրոյի հետ (ցածր բազայի նույն այն էֆեկտը), քանի որ 2020 թվականին զբոսաշրջությունը գործնականում զրոյացել է, և այս տարի նույնիսկ ամենահամեստ աճն այդ ոլորտում հնարավոր կլինի մատուցել որպես փչոցներ գովազդողների կառավարության ահռելի նվաճում։ Մանավանդ որ առջևում կենաց ու մահու ընտրություններ են։
ПОСЛЕДНИЕ ОТ АВТОРА
-
2024-05-15 11:2814 мая в Ереване стартовало знаковое событие глобального финансового мира 14 мая в Ереване начали свою работу 33-е ежегодное собрание и бизнес-форум Европейского банка реконструкции и развития (ЕБРР - EBRD), для участия в которых в армянскую столицу прибыло свыше 2000 международных гостей из 74-х стран. Собрание и форум проходят при стратегическом (флагманском) партнерстве "Ардшинбанка" (Flagship Sponsor). Дизайн бренда знакового события вдохновлен старейшим армянским алфавитом и "трчнагиром" (смесь слов "трчун"-птица и "гир"-буква, письменность) - особым видом декоративного искусства светящихся букв-птиц…
-
2024-05-13 10:12В РФ формируется новый состав правительства Переназначенный главой нового правительства РФ Михаил Мишустин 11 мая внес на рассмотрение Госдумы кандидатуры вице-премьеров и глав министерств, решения по которым будут приняты в ходе пленарных заседаний российского парламента 13-14 мая. Для нас это интересно, прежде всего, с точки зрения оптимальной структуры исполнительной власти, хотя и кадровый состав также представляет некоторый интерес, так как, будучи в составе интеграционного объединения ЕАЭС, высоким должностным лицам из Армении и России так или иначе придется часто общаться между собой, совместно решая стоящие перед двумя странами актуальные проблемы…
-
2024-05-13 10:0614 мая в Ереване стартует знаковое событие глобального финансового мира 33-е ежегодное собрание и бизнес-форум Европейского банка реконструкции и развития (ЕБРР - EBRD), которое пройдет в Ереване 14-16 мая, по праву считается значительным и знаковым событием финансового мира и соберет в Армении делегации из 74-х стран. Авторитетное мероприятие посвящено теме "Вместе добиваясь результатов" (Delivering Impact Together) с участием высокопоставленных политиков и чиновников, ведущих международных экспертов, крупных предпринимателей и членов ЕБРР, которые представят глобальные финансово-экономические приоритеты и вызовы. Собрание и форум пройдут при стратегическом (флагманском) партнерстве "Ардшинбанка" (Flagship Sponsor) и будут подробно освещаться в "ГА"…
-
2024-05-10 18:46Ереван примет на мероприятие свыше 2000 международных гостей Европейский банк реконструкции и развития (ЕБРР) проведет на следующей неделе в Ереване 33-е ежегодное собрание и бизнес-форум под слоганом «Оказывая воздействие вместе» (Delivering Impact Together). Мероприятие станет крупнейшим в своем роде из когда-либо проводившихся в Армении, и выбор места демонстрирует постоянную поддержку ЕБРР для страны и Кавказского региона. В связи с этим банк выпустил пресс-релиз…
ПОСЛЕДНЕЕ ПО ТЕМЕ
-
2022-02-16 19:49Գերակա ոլորտները հետադիմում են Մեկ տարի առաջ հերթական նիստում Հայաստանի կառավարությունը հաստատեց երկրի տնտեսության վերականգնման ծրագիրը՝ մինչև 2024 թվական վերջնաժամկետով: Այդ ծրագրի և դրա հիմնական առաջնահերթությունների մասին ժամանակին շատ է խոսվել ու գրվել։
-
2021-12-24 08:59Իշխանության գալու առաջին իսկ օրվանից Փաշինյանը սկսեց նպատակաուղղված ոչնչացնել ենթակառուցվածքները, պետական կառավարման համակարգերը, այդ թվում՝ տնտեսական։ Իսկ այսօր կառավարությունն ու մենք բոլորս քաղում ենք նման անհեռատես, եթե ավելի կոպիտ չասենք, որոշման պտուղները…
-
2021-05-26 20:23Առաջին հայացքից բավական զարմանալի է, որ առաջիկա արտահերթ ընտրություններին պատրաստվում են մասնակցել այդքան մեծ թվով քաղաքական ուժեր ու գործիչներ։ Թվում է, բնավ ոչ բոլորն են կարող խիզախել հանձն առնել պատասխանատվությունը Հայաստանի ճակատագրի համար՝ գրեթե բոլոր ոլորտներում տիրող բացարձակ բարդակի, պետականության փաստացի կորստի, կառավարման համակարգի լիակատար փլուզման, սոցիալ-տնտեսական կաթվածահարության պայմաններում։
-
2021-05-07 17:05Իշխանավարման 3 տարիների արդյունքում Փաշինյանի թիմը ցույց տալու ոչինչ չունի Ի՞նչ բան է առհասարակ տնտեսությունը: Դա, ներեցեք ծեծված բնորոշման համար, երկրում ամեն օր արտադրվող բոլոր ապրանքների և ծառայությունների ամբողջությունն է։ Մեր երկրի տնտեսությունը բացառություն չէ։ Եվ ի՞նչ ունենք այսօր։