Արտակ Զեյնալյան․ Ռազմագերիների հարցը կբարձրաձայնվի ԵԽ նախարարների կոմիտեի նիստում
Մենք պնդում ենք, որ Ադրբեջանում գտնվողները ռազմագերիներ են։ Եվրոպական դատարանում Ադրբեջանի հետ վեճ ունենք այս հարցով և դատարանը կորոշի՝ ինչպես այն կարգավորել։ «Փաստինֆո»-ի հետ զրույցի ժամանակ այս մասին ասաց իրավապաշտպան Արտակ Զեյնալյանը՝ անդրադառնալով Ադրբեջանի ԱԳ նախարարի այն հայտարարությանը, որ ռազմագերիների հարցը լուծված է։
Արտակ Զեյնալյանը նշեց, որ այդ ուղղությամբ նաև քաղաքական աշխատանք պետք է իրականացվի, որպեսզի Ադրբեջանը կատարի Ժնևի կոնվենցիայի պահանջը, և վերադարձնի իր լիազորության ներքո գտնվող անձանց։
Իրավապաշտպանը նկատեց՝ Եվրոպայի խորհրդի անդամ դառնալիս Ադրբեջանը ստանձնել է պարտավորություն, որ կատարելու է Եվրոպական դատարանի դատական ակտերը. «Հիմա այդ դատական ակտերի կատարման հսկողությունը դրվում է ԵԽ արտաքին գործերի նախարարների կոմիտեի վրա։ Մեր ճնշումների ազդեցության տակ Եվրոպական դատարանը բավարար է գնահատել դրանք, և գործն ուղարկել է նախարարների կոմիտե՝ հսկողության։ Առաջիկայում կլինի նախարարների կոմիտեի նիստ, որտեղ կբարձրացվի այդ հարցը»,-նշեց Արտակ Զեյնալյանը։
Վերջինս նշեց, որ Ադրբեջանն ընդունել է 70-ից ավել անձանց իրենց մոտ գտնվելու փաստ, իսկ մյուս ռազմագերիների մասով ադրբեջանական կողմի հետ վեճ կա։ Արտակ Զեյնալյանը ևս մեկ անգամ ընդգծեց, որ Ժնևի կոնվենցիայի տեսանկյունից Ադրբեջանի իշխանության ներքո գտնվող անձինք համարվում են ռազմագերիներ և Եվրոպայի կոնվենցիայի տեսանկյունից էլ՝ ապօրինի ազատազրկված։
Հիշեցնենք, որ երեկ հայտարարվել էր ռազմագերիների մի խմբի Հայաստան վերադառնալու մասին, սակայն Հայաստանում վայրէջք կատարած ինքնաթիռում միայն Ռուստամ Մուրադովն էր՝ առանց գերիների։ Այնուհետև Ադրբեջանի ԱԳ նախարար Ջեյհուն Բայրամովը հայտարարեց, որ ռազմագերիներին հանձնելու հարցը լուծված և փակված է. «Մենք հայկական կողմին ենք վերադարձրել 70-ից ավել ռազմագերիների։ Որպեսզի զինվորականը ռազմագերի համարվի, նրան պետք է գերեվարել ռազմական օպերացիայի ընթացքում։ Նրանց, ովքեր բռնվել են հակաահաբեկչական գործողության ժամանակ նոյեմբերի 9-ից հետո, պետք է անվանել ահաբեկիչներ, բայց ոչ երբեք ռազմագերիներ»,-հայտարարել էր Ադրբեջանի ԱԳ նախարարը։
Այսօր հայկական կողմը՝ ի դեմս ԱԺ հանձնաժողովի նախագահ Անդրանիկ Քոչարյանի, պնդել է, թե Մուրադովը գնացել էր Բաքու՝ գերիներին ուղեկցելու համար, իսկ Մուրադովը նման տեղեկատվությունը պրովոկացիա է գնահատել՝ նշելով, որ ապրիլի 8-ին գերիների վերադարձ նախատեսված չի եղել։
ПОСЛЕДНИЕ ОТ АВТОРА
-
2024-05-13 17:35
Следуя призыву предстоятеля Тавушской епархии Армянской апостольской церкви, архиепископа Баграта Галстаняна, граждане перекрывают дороги и в областях страны.
-
2024-05-13 17:30
Шествие во главе с предстоятелем Тавушской епархии Армянской апостольской церкви, архиепископом Багратом Галстаняном, начавшееся утром 13 мая в сторону Союза писателей, Союза художников, Института истории Академии наук Армении, завершилось на Площади Республики.
-
2024-05-13 17:27
Мы призываем руководство МВД Армении обуздать инстинкты своих сотрудников, а Следственный комитет прекратить практику применения двойных стандартов в отношении СМИ. Об этом говорится в заявлении Союза журналистов Армении, поступившем 13 мая в Новости Армении – NEWS.am.
-
2024-05-13 17:26
Делимитационные и демаркационные работы пока не возобновились. Об этом в беседе с корреспондентом Новости Армении – NEWS.am 13 мая заявил один из жителей села.