Արմեն Գևորգյանի փաստաբանական խմբի հայտարարությունը
ՀՀ նախկին փոխվարչապետ, այժմ «Հայաստան» դաշինքի նախընտրական կենտրոնական շտաբի ղեկավար Արմեն Գևորգյանի նկատմամբ քաղաքական հետապնդումը շարունակվում է: Այս մասին հայտարարություն է տարածել Արմեն Գևորգյանի փաստաբանական խումբը, տեղեկացնում է News.am-ը:
«ՀՀ նախկին փոխվարչապետ, այժմ «Հայաստան» դաշինքի նախընտրական կենտրոնական շտաբի ղեկավար Արմեն Գևորգյանի նկատմամբ քաղաքական հետապնդումը շարունակվում է։
Գործող իշխանությունը աչքի է ընկնում նրանով, որ քաղաքական հետապնդումները չեն շրջանցում նաև թիրախում հայտնված մարդու ընտանիքի անդամներին, հարազատներին։ Նման պատկեր է առկա նաև Արմեն Գևորգյանի հարազատների պարագայում, թիրախավորվել են Արմեն Գևորգյանի ու նրա կնոջ բազմաթիվ հարազատներ:
Շուրջ մեկ տարի առաջ Հատուկ քննչական ծառայությունը մեղադրանք էր առաջադրել Ա.Գևորգյանի 75 ամյա հորը` Անդրանիկ Գևորգյանին, նրա նկատմամբ ընտրել խափանման միջոց, սահմանափակելով սահմանային շարժը։ Այս ամենի հետևանքով արդեն մեկ տարի է, ինչ Անդրանիկ Գևորգյանը զրկված է անգամ բուժման նպատակով Հայաստանից մեկնելու հնարավորությունից։
Այսօր արդեն տեղեկացանք, որ Արմեն Գևորգյանի հոր ողջ գույքի վրա արգելանք է դրվել։ Այն որ այդ որոշումն ակնհայտ ապօրինի է` կասկածից վեր է։ Սակայն զավեշտը կայանում է նրանում, որ այդ նույն գույքի վրա արգելանք դնելու մասին առկա են արդեն երկու որոշում։ Առաջին որոշմամբ արգելանքը դրվել է այն հիմնավորմամբ, թե Անդրանիկ Գևորգյանի անվամբ առկա գույքն իրականում իբր պատկանում է Արմեն Գևորգյանին։ Նոր որոշմամբ սակայն նույն մարմինը «գտնում» է, թե այդ գույքը պատկանում է հատկապես Անդրանիկ Գևորգյանին։ Նշվածն արդեն պարզ վկայությունն է այն փաստի, որ օրինական նպատակ չհետապնդող այս գործողությունները, որոնց մեջ խճճվել է անգամ նախաքննությունն իրականացնող մարմինը, ճղճիմ հետապնդման հերթական դրսևորումն են։ Ավելին` արգելանք է դրվել իբր թե հանցավոր ճանապարհով ձեռք բերված այնպիսի գույքի վրա, որը ձեռք բերված է եղել շատ ավելի վաղ, քան առաջադրված մեղադրանքում ներկայացված հանգամանքներն են տեղի ունեցել։ Այս առումով հետաքրքրական է, որ անձանց առաջադրվել է մեղադրանք, որի բովանդակությունից առհասարակ հասկանալի չէ, թե ի վերջո ի՞նչ հանցանքի կամ ապօրինության մասին է խոսքը գնում:
Իսկ նախօրեին, արդեն, Հատուկ քննչական ծառայության կողմից հարցաքննության է հրավիրվել Ա.Գևորգյանի կնոջ մայրը՝ Կարմեն Սահակյանը։
Ցավով ենք ստիպված արձանագրել նաև, որ Հայաստանի պետական մարմիններն իրենց իրական պարտականությունները մոռացած, լծված են մեկ քաղաքական ուժի կողմից տրված հանձնարարությունները կուրորեն կատարելուն, որի արդյունքում նաև երկրում փաստացի ձևավորվել է բարձիթողի վիճակ։ Սակայն այնուամենայնիվ պետք է հիշել, որ կան նաև բարոյական սահմաններ, որոնք խախտել երբեք չի կարելի։
Արմեն Գևորգյանի պաշտպաններ
Լուսինե Սահակյան
Էրիկ Ալեքսանյան»,- ասվում է հայտարարությունում:
ПОСЛЕДНИЕ ОТ АВТОРА
-
2024-05-08 06:30
Пашинян не намерен отступать от процесса «демаркации» (односторонних уступок Азербайджану), не намерен отказываться от этого процесса даже в условиях, когда Азербайджан не признаёт территориальную целостность, да и в целом субъектность РА, пишет в своем Telegram-канале политолог Бениамин Матевосян, комментируя пресс-конференцию главы правительства 7 мая.
-
2024-05-08 06:24
Разговор премьер-министра Армении Никола Пашиняна и президента России Владимира Путина будет непростым, но он крайне важен с учетом высокой степени персонификации евразийской политики в целом и российско-армянских отношений, в частности, считает ведущий научный сотрудник Института международных исследований МГИМО Сергей Маркедонов.
-
2024-05-07 19:56
Происходящее не процесс «освобождения от статуса форпоста», как говорит Никол, а враждебный процесс постановки государства в глубокую зависимость от всех внешних сил и во всех вопросах. Следствием этого может стать то, что через какое-то время наше или будущие поколения попросятся стать чьим-то форпостом. Об этом в соцсетях написал бывший заместитель министра обороны Армении, член Республиканской партии Армении Артак Закарян, передает News.am.
-
2024-05-07 19:51
Инициатива "Ширак во имя Родины" проводит в Гюмри автопробег в поддержку движения "Тавуш во имя Родины", передает Sputnik Армения.