ՀՀ նախագահի համար օրենսդրի տրամաբանությունը պարզ չէ, բայց նա ստորագրել է օրենքները
ՀՀ նախագահ Արմեն Սարգսյանը ստորագրել է Ազգային ժողովի կողմից շաբաթներ առաջ ներկայացված օրենքների փաթեթը, թեպետ «հարցեր կան», և հետագայում հնարավոր է՝ վիճարկի Սահմանադրական դատարանում։ Տեղեկությունը հրապարակվել է նախագահի պաշտոնական կայքում։
Հայտարարության մեջ նշվում է, որ դեռ հուլիսի 7-ին նախագահի ստորագրմանն են ներկայացվել ՀՀ քրեական դատավարության օրենսգիրքը (ՔԴՕ) և հարակից օրենքները` «ՀՀ քրեական դատավարության օրենսգրքում փոփոխություններ և լրացումներ կատարելու մասին» օրենքն (ՔԴՕ փոփոխություններ) ու «Բանկային գաղտնիքի մասին» օրենքում փոփոխություն կատարելու մասին» օրենքը (Բանկային գաղտնիքի մասին օրենք)` որպես օրենքների փաթեթ։
«Բարեխիղճ իրավական մշակույթը ենթադրում է, որ փաթեթով ներկայացված օրենքները պետք է առնվազն լինեն տրամաբանորեն և կարգավորման առարկայով փոխկապակցված, հարակից օրենքների ընդունումը պետք է պայմանավորված լինի հիմնական օրենքի ընդունմամբ: Այսպիսով, պարզ չէ, թե ինչ նպատակով կամ ինչ տրամաբանությամբ է օրենսդիրը համարել ՔԴՕ-ն փոխկապակցված օրենքների փաթեթում ներառված մյուս երկու օրենքների հետ` ներկայացնելով վերոնշյալ օրենքները փաթեթով»,- հաղորդագրության մեջ տարակուսանք է հայտնում նախագահի աշխատակազմը։
Նախագահականից հիշեցնում են, որ դեռ նախորդ տարվա հունվարի 22-ին ընդունվեցին քրեական գործերի շրջանակում բանկային և ապահովագրական գաղտնիք կազմող, ինչպես նաև արժեթղթերի հետ կատարված գործարքների վերաբերյալ ծառայողական տեղեկությունների բացահայտման ընթացակարգը վերանայող օրենքներ, որոնց սահմանադրականությունը ՀՀ նախագահը վիճարկեց ՍԴ-ում։ Բարձր դատարանը ճանաչեց վիճարկված դրույթները Սահմանադրության մի շարք հոդվածներին հակասող:
«Օրենքների փաթեթով ՀՀ նախագահի ստորագրմանը ներկայացված ՔԴՕ փոփոխություններն ու Բանկային գաղտնիքի մասին օրենքը` համեմատած 2020 թվականի հունվարի 22-ին ընդունված տեքստի, զգալիորեն փոփոխվել են` մոտարկվելով Սահմանադրությանը, այնուամենայնիվ առանձին կարգավորումներ առերևույթ խնդրահարույց են համաչափության սկզբունքի տեսանկյունից»,- նշված է հայտարարության մեջ։
Նախագահի աշխատակազմը նշում է, որ ՔԴՕ-ն ընդհանուր առմամբ համապատասխանում է Սահմանադրությանը, սակայն դրա առանձին դրույթներ «առերևույթ խնդրահարույց են, իսկ որոշ փոփոխություններ` հայեցակարգային առումով վիճելի և իրավակիրառ պրակտիկայի տեսանկյունից մարդու իրավունքների պաշտպանության համատեքստում գործնական ռիսկեր պարունակող»:
Այդուհանդերձ, ՀՀ նախագահը ստորագրել է ներկայացված փաթեթը։ Նախագահի աշխատակազմը չի բացառում, որ ներկայացված օրենքներն ու ՔԴՕ որոշ դրույթներ հետագայում կարող են վիճարկվել Սահմանադրական դատարանում։
Sputnik Արմենիա
ПОСЛЕДНИЕ ОТ АВТОРА
-
2024-05-17 10:06
Внимание европейцев приковано к протестам в Грузии, однако правительства не решаются вмешиваться, пишет Le Figaro относительно ситуации с принятием закона об иноагентах. Заголовок статьи - «Грузия стала новым полем битвы между Россией и Западом».
-
2024-05-17 09:31
Секретарь Совета безопасности Армении Армен Григорян по сути опроверг заявление пресс-секретаря президента РФ Дмитрия Пескова о том, что армянская сторона попросила Москву, чтобы российские пограничники продолжили охранять армяно-иранскую и армяно-турецкую границы.
-
2024-05-17 09:28
Власти Словакии в четверг предъявили мужчине обвинение в попытке покушения на премьер-министра страны Роберта Фицо, заявив, что он действовал в одиночку, передает АР.
-
2024-05-17 09:22
Если вы посмотрите хронологию событий после 2018 года, вы поймете, кто сдал Арцах. Об этом сегодня, 16 мая, в беседе с журналистами во дворе церкви Сурб Анна заявил бывший секретарь Совета безопасности Арцаха Виталий Баласанян.