«Ժողովուրդ». ՌՈՒՍԱԿԱՆ ԵՎ ԱԴՐԲԵՋԱՆԱԿԱՆ ՈՒԺԵՐԸ ԲԱԽՎԵԼ ԵՆ ՍՅՈՒՆԻՔՈՒՄ
«Ժողովուրդ» օրաթերթը գրում է. Ընդամենը օգոստոսի յոթին ՀՀ պաշտպանության նախարար Արշակ Կարապետյանը հոխորտում էր. «Եթե փորձեն ներթափանցել մեր տարածք, հրամայել եմ ոչնչացնել, բոլորիդ հրամայում եմ կիրառել բոլոր միջոցները»։ Այս խոսքերից 20 օր անց ադրբեջանական կողմը երեկվանից Սյունիքում երկու կարևոր նշանակության ճանապարհ է փակել, որից մեկը՝ միջպետական՝ Հայաստան-Իրան:
Եվ մինչ խորհրդարանում ՔՊ-ական տղամարդիկ փորձում են իրենց ուժը ցույց տալ, Նիկոլ Փաշինյանն էլի նախկիններին և բոլորին մեղադրում է բոլոր հարցերում, թշնամին ավելի է հաստատվում Հայաստանում և փորձում իրականացնել Զանգեզուրյան միջանցքի ծրագիրը:
Իսկ ինչի՞ց է սկսվել միջադեպը. Բաքվի զինվորականները երեկ և այսօր փակել են այդ ճանապարհի երկու հատվածները՝ իբր ի պատասխան իրենց զինվորականների դանակահարության, ինչը ՀՀ ՊՆ-ն հերքում է: Եվ այստեղ հետաքրքիր է, որ տեղի ունեցած այդ միջադեպի մասով հակասական տեղեկություններ են առկա:
«Ժողովուրդ» օրաթերթի հետ զրույցում նաև ռուս վերլուծաբան Մոդեստ Կոլերովը հայտնեց, որ տեղեկություններ կան այն մասին, որ միջադեպ է եղել ռուս և ադրբեջանցի զինվորականների մասնակցությամբ: Սակայն ե՛ւ այդ, ե՛ւ հայերի մասնակցությամբ որևէ միջադեպի մասով դեռ պաշտոնապես տեղեկություն առկա չէ: Ամեն դեպքում, ռուս վերլուծաբանը ևս նկատեց, որ մինչ Հայաստանի ներքին կյանքում անհանգիստ վիճակ է, Ադրբեջանը շարունակում է իրականացրել իր ծրագրերը:
«Այս իրավիճակը կարող է շարունակվել տարիներով: Անգամ եթե Ռուսաստանի մասնակցությամբ բանակցությունները հենց վաղն էլ մեկնարկեն, դրանց ավարտի համար կարող են տարիներ պահանջվել: Այդ ամբողջ տարիների ժամանակ Ադրբեջանը կհարձակվի, քանի դեռ Հայաստանը չի պահպանում իր սահմանները։ Եթե պաշտպաներ, ապա այնտեղ որևէ արդբեջանական զորք չէր լինի»,- նկատեց նա:
Խոսելով այն հանգամանքի մասին, որ հայ-իրանական սահմանն է վտանգի տակ՝ Կոլերովը նկատեց, որ վերջիններս ողջունել են Ադրբեջանի տարածքային ամբողջականության վերականգնումը, և այդ մասով Իրանի վրա հույս դնել պետք չէ՝ միևնույն ժամանակ կրկին ընդգծելով, որ Ռուսաստանը պատրաստ է սկսել եռակողմ բանակցություններ և հիմա էլ դրանով է զբաղված:
Մեզ մնում է արձանագրել, որ մեր հայրենիքը օրեցօր փոքրանում է:
ПОСЛЕДНИЕ ОТ АВТОРА
-
2024-05-17 15:42
Обыски проходят в ряде супермаркетов сети "Эврика". Информацию в беседе с "ФактИнфо" подтвердили в Следственном комитете Армении.
-
2024-05-17 15:39
Депутат от фракции "Айастан" Гегам Назарян выразил сожаление по поводу инцидента с участием журналиста в селе Киранц. В беседе с Armlur.am он призвал не делать преждевременных выводов и тщательно разбораться в ситауции.
-
2024-05-17 15:36
Я и не думал, что когда-нибудь у нас возникнет ситуация, когда церковь фактически инициирует движение с повесткой фактической смены власти, но жизнь изменилась так, что ничего исключать нельзя. Об этом заявил в беседе с журналистами в парламенте 17 мая депутат от правящей в Армении партии «Гражданский договор» Бабкен Тунян.
-
2024-05-17 15:36
Планов по взятию Харькова у России на сегодняшний день нет, заявил президент РФ Владимир Путин в беседе с журналистами в Харбине. Его слова приводит РИА Новости.