Բլինկենը զսպվածության կոչ է արել հայկական և ադրբեջանական կողմերին
ԱՄՆ պետքարտուղար Էնթոնի Բլինկենը հայկական և ադրբեջանական կողմերին զսպվածության և դիվանագիտական փոխգործակցության ակտիվացման կոչ է արել: Այդ մասին նա հայտարարել է Ադրբեջանի նախագահ Իլհամ Ալիևի հետ հեռախոսազրույցի ժամանակ, հաղորդում է Պետդեպարտամենտի մամուլի ծառայությունը:
«Նշելով հայկական և ադրբեջանական ուժերի միջև լարվածության մասին վերջին հաղորդագրությունները՝ պետքարտուղարը կողմերին կոչ է արել զսպվածություն ցուցաբերել և ակտիվացնել դիվանագիտական փոխգործակցությունը՝ բոլոր չլուծված հարցերի համապարփակ լուծումներ գտնելու համար», – ասված է հաղորդագրության մեջ:
Նշվում է, որ Բլինկենը կարևորել է նաև Ադրբեջանում մարդու իրավունքների և հիմնարար ազատությունների հարգումը: Պետքարտուղարը նաև ընդգծել է «ԱՄՆ-ի և Ադրբեջանի միջև երկկողմ գործընկերության շարունակական կարևորությունը և ԱՄՆ-ի հանձնառությունը՝ Հարավային Կովկասի տարածաշրջանի համար խաղաղ, ժողովրդավարական և բարգավաճ ապագայի առաջմղմանը»:
«Պետքարտուղարն ընդգծել է ԱՄՆ – ի հանձնառությունը, մյուս գործընկերների հետ միասին, շարունակել Մոսկվային և նրա կողմնակիցներին, ներառյալ Բելառուսի Լուկաշենկոյի վարչակարգը, պատասխանատվության ենթարկել Ուկրաինայի դեմ Կրեմլի սանձազերծած և չարդարացված պատերազմի համար», – ասված է հաղորդագրության մեջ:
Ինչպես հաղորդում են ադրբեջանական ԶԼՄ-ները, վկայակոչելով երկրի նախագահի մամուլի ծառայությունը, «զրույցի ընթացքում կողմերը քննարկել են Հարավային Կովկասում հետկոնֆլիկտային իրավիճակին վերաբերող հարցեր, այդ թվում՝ հայ-ադրբեջանական հարաբերությունների կարգավորման գործընթացը»:
Զրույցի ընթացքում անդրադարձ է կատարվել նաև տարածաշրջանային անվտանգության խնդիրներին: Նշվում է, որ Բլինկենը նաև շնորհակալություն է հայտնել Ադրբեջանին՝ Ուկրաինային մարդասիրական օգնություն ցուցաբերելու համար, տեղեկացնում է ArmeniaToday.news-ը:
ПОСЛЕДНИЕ ОТ АВТОРА
-
2024-05-30 19:49
«Мне кажется, люди живут вчерашним днем, не понимая, что сегодня Пашинян уже не может убедить своих сторонников», – заявил депутат Госдумы РФ, первый зампред Комитета по делам СНГ, евразийской интеграции и связям с соотечественниками Константин Затулин на проходящем 30 мая в Москве 6-м заседании «Лазаревского клуба» на тему: «Куда идешь? О кресте Армении и кресте России», передает Panorama.am.
-
2024-05-30 19:42
Право народа Арцаха на возвращение на свою историческую Родину должно быть включено в повестку внешнеполитических программ и международных структур. Об этом на 6-ом заседании Международного российско-армянского "Лазаревского Клуба" под лозунгом: "Куда идешь? О кресте Армении и кресте России" заявил экс-председатель Национального Собрания Республики Арцах Ашот Гулян.
-
2024-05-30 19:40
Некоторые участники акции в Ереване продолжают совершать противоправные действия, прокалывая шины служебных автомобилей полиции. Об этом Новости Армении – NEWS.am сообщили в пресс-службе полиции МВД Армении.
-
2024-05-30 19:37
Иностранный гражданин устроил дебош во время авиарейса Ереван - Москва и пытался открыть дверь самолета. Об этом сообщила в своем ТГ официальный представитель МВД России Ирина Волк, передает Новости-Армения.