2022-03-31 11:22
Информагентства
0
Դավիթ Բաբայան․ Հայկական դիվանագիտությունը հիմնարար ձեռքբերումներ ունի
Հայկական դիվանագիտությունը, հատկապես նրա արցախյան հատվածը, իսկապես հիմնարար ձեռքբերումներ ունի: Այս մասին իր ֆեյսբուքյան էջին գրել է Արցախի արտգործնախարար Դավիթ Բաբայանը։
«Արդյունավետ #արտաքին #քաղաքականություն վարելու առանցքային բաղադրիչները, իհարկե, արհեստավարժությունն ու հայրենասիրությունն են։ Արհեստավարժությունն ու հայրենասիրությունը կերտվում են համապատասխան դաստիարակությամբ և կրթությամբ։ Դա շարունակական, անվերջանալի գործընթաց է: Այս համատեքստում առանձնահատուկ նշանակություն ունի #դիվանագիտության պատմության ուսումնասիրությունը՝ ներառյալ հայրենական, առանցքային իրադարձությունների և դերակատարների իմացությունը, նրանցով ու նրանց ձեռքբերումներով հպարտանալն է։ Այստեղ #հայկական դիվանագիտությունը, հատկապես նրա արցախյան հատվածը, իսկապես հիմնարար ձեռքբերումներ ունի։
Ձեռքբերումների համար հատկապես կարևոր էր 13-րդ դարը, որն, իսկապես, ճակատագրական ժամանակաշրջան էր։ Սկսվեցին մոնղոլական նվաճումները՝ արմատապես փոխելով աշխարհի #աշխարհաքաղաքական լանդշաֆտը և մարդկության պատմությունը։
#Մոնղոլական նվաճումները ավերեցին բազմաթիվ երկրներ, սպանեցին միլիոնավոր մարդիկ։ Նրանց արշավանքներից և այստեղ տեղի ունեցող ռազմաքաղաքական մարտերից առավել տուժած շրջաններից էին #Կովկասը, #Միջին և #Մերձավոր Արևելքը։
Այս դժվարին պայմաններում արցախյան դիվանագիտությունը, առանց չափազանցության, կարողացավ հայ ժողովրդին փրկել սարսափելի ու, գուցե, անդառնալի կորուստներից։ Դա հնարավոր եղավ իրականացնել է հայ ժողովրդի, պետականության և դիվանագիտության մեծագույն ներկայացուցիչներից մեկի՝ Խաչենի և Առանի իշխան Արցախի թագավոր Հասան-Ջալալի գլխավորությամբ։ Նրա բազմաշերտ քաղաքականության, #Մոնղոլիա/յի մայրաքաղաք Կարակորում այցելությունների, մոնղոլական մեծ խանի հետ հանդիպումների ու բանակցությունների շնորհիվ մոնղոլական արշավանքներից փրկվեց ոչ միայն Արցախը, այլև ողջ Արևելյան Հայաստանը և Արևմտյան #Հայաստան/ի մի մասը։ Ավելին, մոնղոլները սկսեցին օգնել հայերին այլ թշնամիների դեմ պայքարում։
Կիլիկիան և Արևմտյան Հայաստանի մյուս հատվածները մոնղոլական արշավանքներից փրկվել է #Կիլիկյա/ն Հայկական Թագավորության թագավոր Հեթում Ա-ն, ով Արցախի իշխանական տոհմի ներկայացուցիչ էր։ Նա նույնպես եղել Մոնղոլական կայսրության մայրաքաղաքում, բանակցել մոնղոլների մեծ խանի հետ։ Ի դեպ, այս հարցում նրան օգնել է հենց Հասան-Ջալալը։
Այս ականավոր դիվանագետների և պետական այրերի շնորհիվ #Արցախ/ն ու Հայաստանը գոյություն ունեն մինչ օրս։
Հիշենք այս մեծ մարդկանց. Մենք սովորելու և հպարտանալու շատ բան ունենք»,- գրել է Բաբայանը, տեղեկացնում է News.am-ը:
ПОСЛЕДНИЕ ОТ АВТОРА
-
New2024-04-29 10:45Российский военный обозреватель Виктор Литовкин прокомментировал Alpha News вероятный выход Армении из ОДКБ, а также поставки оружия Россией Еревану.
-
New2024-04-29 10:36Граждане перекрыли трассу Гюмри-Армавир в знак поддержки тавушцев, протестующих против территориальных уступок Азербайджану.
-
New2024-04-29 10:27В то время как армянские власти информируют об установке столбов на границе с Азербайджаном, процесс делимитации небольшого участка и передача его под контроль Азербайджана вызвали значительную реакцию в армянском обществе. Локальная акция противников этой инициативы, выраженная в блокировке межгосударственной трассы в селе Киранц на армяно-азербайджанской границе, за несколько дней значительно распространилась. В ходе протестов были задержаны десятки человек. Армянский политолог Грант МИКАЕЛЯН в интервью VERELQ охарактеризовал происходящее как «бунт», отмечая, что эти акции, хотя и имеют пока локальный характер, могут серьёзно подорвать репутацию властей.
-
New2024-04-29 09:44Бывший омбудсмен Армении Арман Татоян также находится в Киранце.
