Միրզոյան․ Բարձր ենք գնահատում Ռուսաստանի միջնորդական ջանքերը (ՏԵՍԱՆՅՈՒԹ)
Ռուսաստանն առանցքային դեր է խաղացել 2020թ․ աշնանը Լեռնային Ղարաբաղի հակամարտության գոտում հրադադար հաստատելու գործում։ Այս մասին ՌԴ արտգործնախարար Սերգեյ Լավրովի հետ ընդլայնված կազմով հանդիպման սկզբում ասել է Հայաստանի արտգործնախարար Արարատ Միրզոյանը։
«Վստահ ենք, որ Լեռնային Ղարաբաղում ռուսական խաղաղապահ ուժերի արդյունավետ գործունեությունը կծառայի Լեռնային Ղարաբաղում հրադադարի ամրապնդման և սադրանքների կանխման, բնականոն կյանքի վերականգնման, կայունության ապահովման, մեր տարածաշրջանում անվտանգության շահերին։ Մենք բարձր ենք գնահատում Ռուսաստանի միջնորդական ջանքերը, այդ թվում՝ որպես ԵԱՀԿ Մինսկի խմբի համանախագահող երկիր»,- ասել է նախարարը։
Միրզոյանը դիվանագիտական հարաբերությունների հաստատման 30-ամյակի և Բարեկամության, համագործակցության և փոխօգնության պայմանագրի 25-ամյակի համատեքստում նշել է Հայաստանի պատրաստակամությունը՝ ջանքեր գործադրելու բոլոր միջոցառումները պատշաճ մակարդակով անցկացնելու համար՝ հայ-ռուսական հարաբերությունների դաշնակցային բնույթին համապատասխան։
Նախարարի գնահատմամբ՝ վերջին տարիներին հայ-ռուսական միջպետական հարաբերությունները նոր մակարդակի վրա են դրվել, ակտիվ երկխոսությունը զարգանում է բարձր մակարդակով, սերտ երկխոսություն է ընթանում ՀԱՊԿ-ի, ԵԱՏՄ-ի, ԱՊՀ-ի և այլ հարթակների շրջանակում։ Բարելավվում է ռազմական և ռազմաքաղաքական ոլորտներում փոխգործակցությունը, լայն պայմանագրային-իրավական բազան։ Հաջողված է գործընկերությունն առևտրի, տնտեսական, միջտարածաշրջանային և հումանիտար ոլորտներում։ Նախարարը դրական է գնահատել ռազմատեխնիկական համագործակցության հարցով միջկառավարական հանձնաժողովի, տնտեսական համագործակցության, միջխորհրդարանական համագործակցության հանձնաժողովի գործունեությունը։
«Ակնհայտ է, որ երկկողմ համագործակցության օրակարգը նախկինի պես հագեցած է, և անհրաժեշտ է պատշաճ կերպով նախապատրաստել առաջիկա հանդիպումը»,- ասել է Միրզոյանը, տեղեկացնում է News.am-ը։
ПОСЛЕДНИЕ ОТ АВТОРА
-
2024-05-06 12:34
Союз армянских академиков Цюриха выразил свою глубокую обеспокоенность в связи с несоразмерной и не соответствующей международным нормам делимитацией границы между Арменией и Азербайджаном.
-
2024-05-06 12:30
Премьер-министр Армении Никол Пашинян не отправится на инаугурацию президента России Владимира Путина в Москву. Об этом сказал журналистам спикер парламента Армении Ален Симонян.
-
2024-05-06 12:26
Предание забвению истории и ценностей Армении сделает бессмысленным существование армян, заявил заслуженный артист Армении всемирно известный скрипач Сергей Хачатрян.
-
2024-05-06 12:04
Встреча министров иностранных дел Армении и Азербайджана состоится в Алматы 10 мая. Об этом пресс-секретарь МИД Армении Ани Бадалян сообщила в соцсети.