2022-04-25 18:58
Информагентства
0
Հայաստանի եւ Հնդկաստանի ԱԳ նախարարները անդրադարձել են տրանսպորտային կոմունիկացիաների ոլորտում համագործակցությանը
«Raisina Dialogue» համաժողովին մասնակցելու նպատակաով Նյու Դելիում գտնվող Հայաստանի ԱԳ նախարար Արարատ Միրզոյանն ապրիլի 25-ին հանդիպում է ունեցել Հնդկաստանի ԱԳ նախարար Սուբրամանյամ Ջայշանկարի հետ:
ԱԳՆ-ից NEWS.am-ին հայտնում են, որ նախարարներ Միրզոյանն ու Ջայշանկարը գոհունակություն են հայտնել երկու երկրների միջև առկա քաղաքական երկխոսության բարձր մակարդակի կապակցությամբ: Արարատ Միրզոյանն ընդգծել է, որ Հնդկաստանի հետ հարաբերությունների ամրապնդումը ՀՀ արտաքին քաղաքականության առաջնահերթություններից է։
Զրուցակիցները քննարկել են 2021թ․ աշնանը Հնդկաստանի ԱԳ նախարարի` Հայաստան կատարած այցի արդյունքում ձեռք բերված պայմանավորվածությունների իրականացման ընթացքը։ Անդրադարձ է կատարվել տեղեկատվական տեխնոլոգիաների, ավիացիայի, կրթության, մշակույթի, զբոսաշրջության և այլ ոլորտներում հարաբերությունների հետագա զարգացման հեռանկարներին: Կողմերն ընդգծել են անցած ամիսներին կատարված աշխատանքների արդյունավետությունը և երկուստեք պատրաստակամություն հայտնել հետևողականորեն շարունակել փոխգործակցության խորացումը։
Արարատ Միրզոյանը շեշտել է, որ Հնդկաստան է այցելում Հայաստանի գործարար և ներդրումային շրջանակների ներկայացուցիչների ուղեկցությամբ, որոնց հանդիպումները իրենց հնդիկ գործընկերների հետ լրացուցիչ խթան կհանդիսանա մեծ ներուժ ունեցող հայ-հնդկական առևտրատնետեսական համագործակցության ակտիվացման համար։
Անդրադարձ է կատարվել տրանսպորտային կոմունիկացիաների ոլորտում համագործակցության խորացման հեռանկարներին:
Քննարկվել են նաև տարածաշրջանային ու միջազգային անվտանգությանը և կայունությանը վերաբերող հարցեր:
Հայկական կողմը ներկայացրել է հարավկովակասյան տարածաշրջանում ստեղծված իրավիճակը և Հայաստանի դիրքորոշումը՝ տարածաշրջանային խաղաղության ու կայունության հաստատմանն ուղղված գործընթացների, Ադրբեջանի հետ խաղաղության համապարփակ պայմանագրի շուրջ բանակցությունների վերաբերյալ։ Նախարար Միրզոյանը գոհունակություն է հայտնել Լեռնային Ղարաբաղի հակամարտության կարգավորման վերաբերյալ Հնդկաստանի դիրքորոշման վերաբերյալ։ Ընդգծվել է ԵԱՀԿ Մինսկի խմբի համանախագահության միջնորդական դերը խաղաղ գործընթացի առաջմղման գործում:
Նախարար Միրզոյանը զրուցակցին է ներկայացրել նաև Հայաստանի և Թուրքիայի միջև հարաբերությունների կարգավորման գործընթացի զարգացումները:
Հանդիպման ընթացքում Հայաստանի ԱԳ նախարարը վերահաստատել է ՀՀ աջակցությունը Հնդկաստանին` Ջամմուի և Քաշմիրի հարցում:
News.am
ПОСЛЕДНИЕ ОТ АВТОРА
-
New2024-04-27 13:03Газета «Паст» пишет: Некоторое время назад предложение бывшего министра обороны Армении, лидера движения «Всеармянский фронт», генерал-майора Аршака Карапетяна о создании Общественного трибунала национальной гордости подняло большой шум, поскольку действующая в Армении судебная система не способна дать оценку конкретно деятельности руководителя страны.
-
New2024-04-27 12:34В случае незаконной сдачи Тавуша главный газопровод Армении - Армения-Грузия-Россия - окажется под полным контролем Азербайджана, написал тюрколог Варужан Гегамян.
-
New2024-04-27 12:31Такой риск в отношении президента России сегодня полностью отсутствует. Об этом в интервью The Moscow Times заявил посол Армении при ЕС Тигран Балаян, отвечая на вопрос, означает ли ратифицикация Арменией Римского, что в случае приезда в Армению президент РФ Путин будет задержан.
-
New2024-04-27 12:12Политолог, старший преподаватель департамента международного и публичного права Финансового университета при правительстве РФ Игорь Семеновский в прямом эфире Alpha News прокомментировал заявления спикера парламента Армении, отметив, что они выглядят как «хорошая мина при плохой игре».
