Սուրեն ՍԱՐԳՍՅԱՆ․ ԱՐԵՎՄՈՒՏՔԸ ՊԱՏՐԱՍՏ Է ԱՋԱԿՑԵԼ ՀԱՅԱՍՏԱՆԻ ՄԻԱԿՈՂՄԱՆԻ ԶԻՋՈՒՄՆԵՐԻՆ ՏԱՐԱԾԱՇՐՋԱՆԱՅԻՆ ՀԱՐՑԵՐՈՒՄ
Արևմուտքը պատրաստ է աջակցել Հայաստանի միակողմանի զիջումներին տարածաշրջանային հարցերում: Այս մասին News.am-ի թղթակցի հետ զրույցում ասաց միջազգայնագետ, քաղաքագետ Սուրեն Սարգսյանը։
Նրա խոսքով՝ Արևմուտքը միշտ մեծ նշանակություն է տվել հայ-թուրքական հարաբերությունների կարգավորմանը, ինչպես նաև ղարաբաղյան հակամարտության կարգավորմանը, և Հայաստանում այն իշխանությունը, որն առաջ կտանի այդ օրակարգը, աջակցություն կստանա։ Նա հիշեցրեց, որ դա տեղի է ունեցել ինչպես 1990-ականներին (առաջին նախագահի քաղաքական գծի ընդունումը), այնպես էլ 2000-ականներին (Քի Ուեսթ, ֆուտբոլային դիվանագիտություն)։
«Հայաստանի ներկայիս իշխանությունները պատրաստ են միակողմանի զիջումների գնալ վերը նշված երկու հարցերում, ուստի Արևմուտքի համար լուրջ հնարավորություն է բացվել դրանց կարգավորման համար։ Տարածաշրջանային այս հարցերում Հայաստանի և Արևմուտքի իշխանությունների օրակարգը նույնն է: Արևմուտքի համար միևնույն է, թե ինչպես է լուծվում Ղարաբաղի հարցը՝ տարածքային ամբողջականության, թե՞ ժողովուրդների ինքնորոշման իրավունքի տրամաբանությամբ։ Այս հարցի լուծումը լրացուցիչ հնարավորություններ կտա տարածաշրջանում. եթե ոչ դուրս բերել Ռուսաստանին տարածաշրջանից, ապա գոնե հավասարակշռել նրա ազդեցությունը Հարավային Կովկասում»,- հավելեց Սարգսյանը։
Եթե Ադրբեջանի և Թուրքիայի հետ պայմանավորվածություն ձեռք բերվի, փորձագետը չբացառեց մինչև տարեվերջ ՀՀ վարչապետ Նիկոլ Փաշինյանի այցը Վաշինգտոն, որտեղ ԱՄՆ միջնորդությամբ փաստաթղթեր նախաստորագրվեն։ «Ամերիկացիները միշտ ասել են, որ ղարաբաղյան հակամարտության լուծումը պետք է ընդունելի լինի երկու կողմերի համար։ Եթե հայկական կողմի համար ընդունելի է Լեռնային Ղարաբաղի հանձնումն Ադրբեջանի ինքնիշխանության շրջանակներ, ապա ինչո՞ւ պետք է դրան դեմ լինեն ԱՄՆ-ն և ընդհանրապես Արևմուտքը՝ առավել ևս, որ նրանք շահագրգռված են հիմնախնդրի կայուն և երկարաժամկետ լուծմամբ: ԱՄՆ-ն պնդում է, որ խնդիրը չի լուծվել, և կողմերը պետք է վերջնականապես լուծեն այն, որպեսզի հետագայում սրացումներ չլինեն։ Հայկական կողմը ցանկանում է հարցը լուծել միակողմանի զիջումների միջոցով, ինչն անընդունելի է։ Այլ բան է, որ Հայաստանի իշխանությունները մտածում են այսօրվա, այլ ոչ թե ապագայի մասին»,- պարզաբանեց փորձագետը։
Ինչ վերաբերում է Սյունիքին, ապա, ըստ Սարգսյանի, այն մեծ նշանակություն ունի ոչ միայն ԱՄՆ-ի, այլև Իրանի, Ադրբեջանի, Թուրքիայի և Ռուսաստանի համար։ «Եթե Սյունիքը հայկական չլինի, ապա Թեհրանը կախվածություն կունենա Ադրբեջանից և Թուրքիայից։ Եթե հիշենք ԱՄՆ-ի և Իրանի թշնամական հարաբերությունները, պատկերն ավելի պարզ է դառնում։ Նախիջևանի հետ սահմանին իրանական զորքերի կուտակումը լուրջ անհանգստություն է առաջացրել Վաշինգտոնում։ Այն, որ միջանցքը (Զանգեզուրի) չկայացավ, նրա արդյունքն է, որ ԱՄՆ-ն հասկացավ, որ Իրանը կարող է մարտական գործողությունների գնալ, եթե ինչ-որ բան իր շահերին դեմ գնա»,- եզրափակեց քաղաքագետը։
ПОСЛЕДНИЕ ОТ АВТОРА
-
2024-05-04 22:00
Шествие во главе с предстоятелем Тавушской епархии, архиепископом Багратом Галстаняном прошло через Иджеван. Участники шествия направились в монастырь Агарцин. Отметим, что водители автомобилей приветствуют участников марша сигналами.
-
2024-05-04 14:37
Правительство Японии 3 мая выразило протест правительству США в связи с высказыванием президента страны Джо Байдена о ксенофобии, передает агентство Jiji.
-
2024-05-04 14:36
Евразийская экономическая комиссия совместно со странами ЕАЭС разработала проект соглашения о единой системе транзита. Он будет определять основные принципы функционирования единой системы таможенного транзита Союза и третьей стороны (третьих сторон). Об этом сообщил замдиректора Департамента таможенного законодательства и правоприменительной практики Евразийской экономической комиссии Нурлан Байназаров на Международном контейнерном форуме "ЕСЭ Asia-2024" в Алматы, передает Sputnik Армения.
-
2024-05-04 13:37
Кандидат в конгрессмены США Алекс Балекян в прямом эфире Alpha News назвал происходящее в Армении прискорбной ситуацией․