2022-09-20 13:26
Информагентства
0
Հույն նահանգապետ․ Միջազգային հանրությունը պետք է դատապարտի Ադրբեջանի ագրեսիան
Հունաստանի ամենախոշոր մարզի` Ատտիկայի նահանգապետ Գիորգոս Պատուլիսը հայտարարություն է տարածել` խստագույնս դատապարտելով Ադրբեջանի ագրեսիան Հայաստանի դեմ, հայտնում են Հունաստանում Հայաստանի դեսպանությունից։
«Միջազգային իրավունքի կանոնների հանդեպ հարգանքը Հայաստանի և Ադրբեջանի միջև վեճերի լուծման միակ ճանապարհն է
Ատտիկայի «Նոր Մեկնարկ» ֆրակցիան և ես անձամբ՝ որպես Ատտիկայի մարզպետ, դատապարտում ենք ցանկացած բռնություն՝ անկախ թե որտեղից է այն բխում, բայց և բոլոր նրանց, ովքեր դիմում են այդ քայլին՝ իրենց տարաձայնությունները լուծելու համար։
Հատկապես, երբ խոսքը վերաբերում է պետությունների միջև վեճերին, նրանք պետք է հարգեն միջազգային իրավունքի նորմերը և միջազգային պայմանագրերն ու համաձայնագրերը, որոնք իրենց վեճերը լուծելու միակ ընդունելի ճանապարհն են։
Ադրբեջանի նոր ներխուժումը Հայաստան՝ նրանց միջև պատերազմի ավարտից և զինադադարի համաձայնագրի ստորագրումից ընդամենը մեկ տարի անց, բացի հարյուրավոր մարդկային կյանքերի անարդարացի կորստից, հանդիսանում է լրացուցիչ սպառնալիք մեր տարածաշրջանի բոլոր պետությունների անվտանգությանը, ինչն արդեն իսկ փորձարկվում է Ուկրաինայում շարունակվող պատերազմական հակամարտությամբ։ Եվրոպան չի կարող ընդունել և չի կարող հանդուրժել իր սահմաններին հերթական պատերազմական բախումը։
Ողջ միջազգային հանրությունը, հատկապես արևմտյան աշխարհը և ԵՄ-ն, բայց նաև նախորդ հակամարտության հրադադարի համաձայնագրում որպես երաշխավոր ստորագրած պետությունները, պետք է դատապարտեն Ադրբեջանի ագրեսիան, գործնականում կանգնեն Հայաստանի կողքին և պարտադրեն հարգել միջազգային իրավունքի կանոնները:
Եթե դրսևորվի որևէ հանդուրժողականություն բռնության և կամայականության նկատմամբ, դա կարող է առաջացնել պատերազմական հակամարտությունների նոր արատավոր փակ շղթա՝ ներառելով այլ երկրներ, որոնք ցանկանում են առաջ տանել իրենց շահերը պատերազմի և անկայունության միջոցով:
Բոլորի համար պատասխանատվության ժամանակն է, բայց նաև ճիշտ պահն է այստեղ՝ Հունաստանում և Ատտիկայում՝ մեր անմնացորդ զորակցությունը հայտնելու եղբայրական հայ ժողովրդին», - ասել է Գիորգոս Պատուլիսը։
Aysor.am
ПОСЛЕДНИЕ ОТ АВТОРА
-
New2024-05-06 05:06К шествию, возглавляемую архиепископом Багратом Галстаняном, присоединился и выразил свою поддержку сын экс-начальника генштаба ВС Армении, генерал-полковника Юрия Хачатурова, Игорь Хачатуров.
-
New2024-05-06 05:02Предстоятель Тавушской епархии ААЦ архиепископ Баграт Галстанян подчеркнул, что участники движения не действуют без благословения Католикоса всех армян Гарегина Второго. Об этом он заявил в беседе с журналистами у села Цовагюх Гегаркуникской области Армении.
-
New2024-05-06 04:58Архиепископ Баграт взял на себя руководство этим движением, чтобы противостоять лжи, обману, противостоять публичному и постоянному унижению, использовать поражение как флаг и жить коленопреклоненными. Я говорю: мой Святой Брат пользуется моей полной поддержкой. Об этом сегодня, 5 мая, заявил после Литургии предстоятель Ширакской епархии Микаел Аджапахян, выразив свою поддержку движению, начатому архиепископом Багратом Галстаняном.
-
New2024-05-06 04:54Молодежный союз ливанской организации АРФД провел сидячую демонстрацию перед посольством Армении в Бейруте. Об этом сообщает организация в соцсетях.
