2023-12-29 10:52
Ашот АРАМЯН
0
ՎԻՇԱՊԸ «ԱՐՔԱՅԱԴՈՒՍՏՐԵՐ» Է ՊԱՀԱՆՋՈՒՄ
2024 թվականին բոլորը պիտի պատրաստ լինեն, որ իրենց դրամապանակներն ասպատակության են ենթարկվելու
Ֆինանսական հորոսկոպի համաձայն՝ 2024 թվականին փողը «բաժանելու» է Փայտե Կանաչ Վիշապը։ Բարօրության առումով տարին այնքան էլ արգասաբեր չէ։ Ո՛չ նրանից, ո՛չ էլ կառավարությունից նվերներ ակնկալել չարժե. ընդհակառակը, հարկ կլինի վաստակել տքնաջան և երբեմն նույնիսկ անտանելի ծանր աշխատանքով, ընդ որում գործերում ավելի լավ է հույս դնել միայն սեփական անձի վրա։ Նապոլեոնյան ծրագրեր կառուցելը պարսավելի չէ, բայց այդ դեպքում ստիպված կլինեք աշխատել ստախանովյան ռեժիմով։ Կարևոր է ոչ մի դեպքում թևաթափ չլինել…
Աստղերը խորհուրդ են տալիս չպահել բոլոր խնայողությունները «նույն կողովում» և տարբերականացնել ներդրումները, իսկ գլխավորը՝ ավելի ուշադիր լինել ֆինանսական բարեփոխումների և օրենսդրական նոր ակտերի նկատմամբ, որոնք առատորեն պատրաստում է «քույրերի ու եղբայրների» համար նրանց դրամապանակների հանդեպ աննկարագրելի քնքշանքով և կրքոտ հետաքրքրությամբ տառապող Փաշինյանի կառավարությունը։
Դրան պետք է պատրաստվեն ոչ միայն Սևանի ձկնորսներն ու Արարատի ձկնաբույծները, անշարժ գույքի վարձատուներն ու մսավաճառները (վերջին երկու ծանր նորամուծություններն արդեն ուժի մեջ են մտել 2023 թվականի դեկտեմբերի 1-ից և 6-ից), տաքսու վարորդներն ու առհասարակ ավտոմեքենաների բոլոր տերերը, ներկրողները, Wildberries-ի միջոցով ապրանքներ պատվիրելու և Ֆեյսբուքում գովազդ տեղադրելու սիրահարները, այլև սովորական տնային տնտեսուհիները, որոնք ստիպված կլինեն հարկային հայտարարագրեր լրացնել եկամուտների մասին և դրանց առկայության դեպքում կիսվել կառավարության հետ։
Բնակչության նորանոր խմբերի ծանրաբեռնելով դրակոնյան հարկերով, պարտքերով, տուգանքներով և վարկերով՝ Փաշինյանի կառավարությունն անտեսում է միջազգային հայտնի տնտեսագետների և փորձագետների այն կանխատեսումները, որ 2024 թվականին «փուչիկը» կպայթի, և մենք բոլորս ականատես կլինենք «կյանքում երբևէ տեսած ամենամեծ անկմանը» (ամերիկացի տնտեսագետ Հարի Դենթ):
Սպասվում է բժշկական պարտադիր ապահովագրության անմտածված (ինչպես միշտ) համակարգի ներդրում, որն ամեն տարի կդատարկի քաղաքացիների դրամապանակը ևս 200 հազար դրամով, ընդ որում այդ ֆիքսված գումարը կվճարեն ինչպես մեկ միլիոն դրամ աշխատավարձ ստացողները, այնպես էլ նվազագույն չափով վարձատրվողները (նվազագույն աշխատավարձը Հայաստանում 2023 թվականի հունվարի 1-ից 75 հազար դրամ է), չենք խոսում արդեն թոշակառուների և նպաստառուների մասին։
Ցամաք հացով ապրող գյուղացիներին, ինչպես խոստանում է Փաշինյանը, սպասվում է ներգրավում հարկային շրջանառության մեջ և, ըստ այդմ՝ մասհանումներ կառավարությանը իրենց անմխիթար եկամուտներից։ Աուդիտորների պալատի նախագահ Նաիրի Սարգսյանը չի բացառում, որ գալիք տարում իշխանությունները օրինագիծ ընդունեն կրթության և առողջապահության ոլորտների հարկման մասին (առայժմ դրանք ազատված են ԱԱՀ-ից), ինչը էապես կբարձրացնի հիվանդանոցային սպասարկման, բուհերում ուսումնառության և վճարովի մանկապարտեզների վարձավճարները:
Պետական եկամուտների կոմիտեն այս օրերին հիշեցնում է, որ 2024 թվականից մեկնարկում է ֆիզիկական անձանց եկամուտների համընդհանուր հայտարարագրման համակարգի փուլային ներդրումը (2023 թվականի եկամուտների համար), որը Հայաստանի անխտիր բոլոր քաղաքացիների համար պարտադիր կդառնա արդեն 2025 թվականին։ Կփորձես թաքցնել մի որևէ եկամուտ՝ կվճարես մինչև 300 հազար դրամ տուգանք։ Այդ տեսանկյունից նույնիսկ սովորական խոհարարուհուն հավասարեցրել են չինովնիկներին, պատգամավորներին և բարձրաստիճան այլ պաշտոնյաներին, որոնք նախկինում էլ էին եկամուտների հայտարարագրեր ներկայացնում:
«Ժողովրդական և թավշե» բրենդով իշխանության եկած կառավարությունը շատ արագ փոխարկվեց «դրակոնայինի», և 2024 թվականը հենց դրա տարին է։ Երկրում ամեն 4-րդը աղքատ է, իսկ կառավարությունը հորինում է բնակչության գրպանը մտնելու և հնարավորինս դատարկելու նորանոր ուղիներ։ Ազգային հարստությունը ծայրաստիճան բևեռացված է, և ծիծաղելի է լսել պաշտոնյաներին, որոնք իրենց արժանիքն են համարում ամենահարուստների և ամենաաղքատների եկամուտների միջև տարբերության (այսօրվա դրությամբ՝ 13 անգամ) կրճատումը 1 տոկոսով։
Կենտրոնական իշխանությունից հետ չի մնում նաև մայրաքաղաքայինը։ Իշխանության հասած Տիգրան Ավինյանի թիմը շտապում է գալիք տարում ծանրաբեռնել երևանցիներին բազմապատիկ աճած տուրքերով և տարաբնույթ վճարումներով։ Եվ խոսքը միայն մայրաքաղաքի կենտրոնում «կարմիր գծերի» վրա կայանման վճարը 13 անգամ ավելացնելու մասին չէ. պատրաստվում են ավելացնել փոքր ու միջին բիզնեսի տարբեր տեսակների ֆինանսական բեռը:
Այս խորապատկերին 2024 թվականի համար կառավարության նախատեսած 7-տոկոսանոց տնտեսական աճը գնալով ավելի կասկածելի է թվում, մանավանդ եթե առաջիկա 12 ամիսներին ինչ-որ գլոբալ փոփոխություններ տեղի ունենան։ Իսկ պահպանվող իրողությունների պարագայում հայկական ազգային արժույթի փոխարժեքը հաջորդ տարի կկազմի միջինը 414 դրամ՝ մեկ դոլարի դիմաց։
Ոգեպնդվե՛ք…
ПОСЛЕДНИЕ ОТ АВТОРА
-
2024-05-06 11:30Кто в Армении займется коммерциализацией интеллектуальной собственности "На самом деле речь идет о классе и уровне страны… Прежде всего, надо добиться того, чтобы этот разговор не звучал дико в стране, чтобы когда об этом говорили, по крайней мере, люди начинали кивать, что, мол, здесь есть проблема, давайте ее решать", - так после 6 лет правления Пашинян обозначил задачи в сфере защиты прав интеллектуальной собственности (ИС), посетив 2 мая Офис интеллектуальной собственности Министерства экономики Армении (бывший "Армпатент" при правительстве РА)…
-
2024-05-04 13:42"Бекграунд продакшн" правительственных решений Недоработали, не успели, не учли, а то и просто провалили… Весь этот сборный и скорбный букет некомпетентности и дилетантизма правительства Пашиняна был "вывален на стол" заседания кабмина 2 мая. Соответственно исполнительная власть вынуждена на постоянной основе и по многу раз исправлять и корректировать собственные решения, причем во многих случаях уже бездарно и безвозвратно истратив из-за отсутствия профессионализма десятки миллиардов драмов, как это совсем недавно случилось с Фондом национальных интересов Армении (ANIF) и его проваленным флагманским проектом по созданию национального авиаперевозчика ARNA, унесшим $12 млн денег налогоплательщиков…
-
2024-05-03 11:18Налог с оборота… выведут из оборота Правительство на заседании 2 мая приняло неотложное (с точки зрения прохождения в парламенте) решение о внесении изменений в налоговое законодательство, суть которого в постепенном отказе от альтернативной системы налога с оборота и переходу к единой системе налогообложения. Дело в том, что налоговая нагрузка хозсубъектов, действующих в общей системе налогообложения (НДС и налог на прибыль) и в поле налога с оборота, отличается в 2-3 раза, и хозсубъекты не заинтересованы в расширении своего бизнеса и переходе к общей системе налогообложения…
-
2024-05-02 11:34"Мир! Труд! Май!" - хорошо знакомый старшему поколению девиз первомайских праздников советской эпохи. Сегодня от него бесспорным остатком выглядит только название месяца. Первые две цели-"мишени" могут в лучшем случае выступать предметом дискуссий… До перехода в режим домашнего ареста экс-министр экономики Ваан Керобян успел порадовать общественность тем, что безработица в Армении по итогам прошлого года сократилась с 13% в 2022 году до 11%, а средняя зарплата по стране достигла 260 тысяч драмов. Правда, тут следует заметить, что показатель зарплаты приводится в "грязном", до вычета налогов и выплат, варианте, так что при указанной зарплате на руки работник получает около 190 тысяч.
