Փոխնախարարը կալանավորվել է
Առանձնապես խոշոր չափերով կաշառք վերցնելու մեջ մեղադրվող առողջապահության նախարարի տեղակալ Արսեն Դավթյանը կալանավորվել է։ Այս մասին Panorama.am-ին հայտնեցին ԱԱԾ մամուլի կենտրոնից։
Հիշեցնենք, որ քննչական գործողությունների արդյունքում ձեռք են բերվել փաստական տվյալներ այն մասին, որ բժշկական հաստատության տնօրենը նպատակ է ունեցել ապահովել առողջապահության նախարարության կողմից բուժհաստատություններին տրամադրվող ֆինանսավորման աշխատանքները համակարգող փոխնախարարի հովանավորչությունը և նրա հետ ձևավորել իր համար բարենպաստ աշխատանքային պայմաններ:
Վերաբաշխման արդյունքում պետպատվերի շրջանակներում տարբեր ծրագրերով հատկացվելիք գումարներով կազմակերպության ֆինանսավորման պակասը լրացնելու համար 2019 թվականի մարտի 30-ին առողջապահության նախարարի տեղակալին վերջինիս աշխատասենյակում որպես կաշառք անձամբ տվել է առանձնապես խոշոր չափերով գումար, որի փոխանցումն իրականացվել է ՀՀ ԱԱԾ աշխատակիցների օպերատիվ վերահսկողության ներքո:
Առերևույթ հանցագործության դեպքի առթիվ ՀՀ ազգային անվտանգության ծառայության քննչական դեպարտամենտում հարուցվել է քրեական գործ ՀՀ քրեական օրենսգրքի 311-րդ հոդվածի 4-րդ մասի 2-րդ կետով և 312-րդ հոդվածի 3-րդ մասի 1-ին կետով:
Փոխնախարարին առաջադրվել է մեղադրանք պաշտոնատար անձի կողմից առանձնապես խոշոր չափերով կաշառք ստանալու հատկանիշներով, պատժվում է ազատազրկմամբ՝ յոթից տասներկու տարի ժամկետով՝ գույքի բռնագրավմամբ կամ առանց դրա:
Հաջորդ մեղադրանքը՝ առանձնապես խոշոր չափերով կաշառք տալը վերաբերում է բուժհաստատության տնօրենին, պատժվում է ազատազրկմամբ՝ երեքից յոթ տարի ժամկետով: Ըստ մամուլի տեղեկությունների, կաշառք տալու մեջ մեղադրվում է Պերինատոլոգիայի, մանկաբարձության և գինեկոլոգիայի կենտրոնի ղեկավար Ռ. Աբրահամյանը։
ԱԱԾ-ից ավելի վաղ հայտնել էին, որ կաշառք տալու մեջ կասկածվող անձի նկատմամբ, հաշվի առնելով վերջինիս տարիքը և առողջական վիճակը, որպես խափանման միջոց կիրառվել է ստորագրություն՝ չհեռանալու մասին:
Քրեական գործի նախաքննությունը շարունակվում է, միջոցներ են ձեռնարկվում՝ հիշյալ բնագավառում հնարավոր կոռուպցիոն այլ դրսևորումները և դրանց առնչակից բոլոր անձանց բացահայտելու ուղղությամբ:
ПОСЛЕДНИЕ ОТ АВТОРА
-
2024-05-20 17:04
Так называемая «делимитация» государственной границы проходит без каких-либо объяснений и оснований. Об этом на своей странице в «Facebook» написал бывший омбудсмен Армении Арман Татоян.
-
2024-05-20 16:49
Полиция не пропускает журналистов и депутатов в село Киранц Тавушской области. Однако на этом фоне была предпринята попытка пропустить в Киранц съемочную группу Общественного телевидения на полицейской машине.
-
2024-05-20 16:46
Предстоятелю Тавушской епархии Армянской апостольской церкви, архиепископу Баграту Галстаняну только что удалось добраться до села Киранц. Об этом заявил депутат парламента от блока «Армения» Гарник Даниелян.
-
2024-05-20 16:43
Католикос Всех армян Гарегин II выразил соболезнования народу Ирана в связи с трагической гибелью президента ИРИ Эбрахима Раиси, главы МИД Амира Абдоллахиана и сопровождавших их лиц. Об этом говорится в телеграмме соболезнования Его Святейшества на имя духовного лидера Ирана аятоллы Али Хаменеи.