Սուրեն ՍԱՀԱԿՅԱՆ. «ԿԱՌԱՎԱՐՈՂ ՈՒԺԻ ՀԵՏ 1,5 ՏԱՐԻ ԱՌԱՋ ԿԱՊՈՂ ՎՍՏԱՀՈՒԹՅԱՆ ՀԱՍՏ ՊԱՐԱՆԻՑ ՄՆԱՑԵԼ Է ՄԻ ԲԱՐԱԿ ԿՈՃԻ ԹԵԼ»
«Քաղաքացու որոշում» կուսակցության ղեկավար Սուրեն Սահակյանը ֆեսյբուքյան իր էջում գրառում է կատարել՝ անդրադառնալով ԱԺ և կառավարության լեգիտիմությանն ու պարտավորություններին։ Սահակյանը, մասնավորապես, նշել է, որ կառավարող ուժի վստահության նման ցածր մակարդակի պայմաններում խոստացված բարեփոխումները տապալվելու մեծ շանսեր ունեն։
«Ներկայիս կառավարությունը, ԱԺ-ը, կառավարող ուժը լայն ու խորը բարեփոխումներ անելու հանձնառություն ու պարտավորություն ունեն։ Այդպիսիք չանելը ճակատագրական հետևանքներ կունենա առաջին հերթին իրենց համար, բայց նաև՝ որոնք հավասարապես կիսելու ենք բոլորս։ Նման բարեփոխումները հնարավոր է իրականացնել բարձր լեգիտիմության ու վստահության պայմաններում։ Վստահության ցածր մակարդակի դեպքում այդ ռեֆորմները տապալվելու մեծ շանսեր ունեն, մանավանդ, եթե հաշվի առնենք դրանք մշակելու և իրագործելու կառավարող ուժի վերջերս ցուցաբերած կարողությունները։
Իսկ ի՞նչ է անում կառավարող ուժը այդ վստահությունն ու կարևորագույն ռեֆորմներ իրագործելու լեգիտիմությունը ստանալու կամ, նվազագույնը, եղածը չկորցնելու համար։ Ամուլսարի հարցի դեպքում նա քաղաքացիների հետ պայման կապելուց հետո, այդ պայմանների դեպքում իր ուզածին չհասնելով, փոխեց պայմանը։ ԵՎ հարց է առաջանում՝ ո՞ր մի ողջամիտ ուժը/մարդը կլոր սեղանի շուրջ բան կքննարկի, կպայմանավորվի, եթե գիտի, որ դրա շուրջ ձեռք բերված պայմանավորվածությունը ավելի շուտ չի կատարվի, քան կկատարվի։ Դուրս գանք ներքին քաղաքականության սահմաններից։ Ո՞ր երկիրը, միավորումը կնստի լուրջ բան կքննարկի նման ուժի հետ, որն իր քաղաքացիներին ոտի վրա քցում է։ Ես իմ դեպքում, որպես մի քաղաքացի, կարող եմ ասել, որ կառավարող ուժի հետ 1,5 տարի առաջ կապող վստահության հաստ պարանից մնացել է մի բարակ կոճու թել։
Ամուլսարի հարցը միայն հանք դառնալու կամ սար մնալու հարց չի արդեն։ Ամուլսարի հարցը նոր քաղաքական համակարգ ունենալու կամ չունենալու, կուսակցությունների մասին լավ օրենք ունենալու կամ չունենալու, ընտրական լավ օրենսգիրք ունենալու կամ չունենալու հարց է։ Չե՞ք հավատում, ընկերներ, փորձե՛ք»։
NEWS.am
ПОСЛЕДНИЕ ОТ АВТОРА
-
2024-05-13 19:40
В Армении, возможно, зарождается "политическое христианство" для борьбы с идеологией трансгуманизма. Такую точку зрения на происходящие в Армении процессы высказала в своем в ТГ-канале российский востоковед, иранист Каринэ Геворгян.
-
2024-05-13 18:59
Комитет ООН против пыток опубликовал окончательное заключение о выполнении Азербайджаном обязательств в рамках Конвенции ООН против пыток.
-
2024-05-13 18:57
Армения вошла в топ-3 лидеров по показателю прироста грузооборота с регионами России, уступая только Турции и опередив Китай, сообщает ТАСС.
-
2024-05-13 18:55
Это исключительно политическое преследование, цель которого – заставить замолчать Нарека Самсоняна и Вазгена Сагателяна, закрыть подкаст "Имнемними". После заседания суда по делу соавторов подкаста "Имнемними" Нарека Самсоняна и Вазгена Сагателяна, когда судья Тигран Восканян взял самоотвод, заявил адвокат Нарека Самсоняна Рубен Меликян.