Ռուսաստանն ու Թուրքիան ստորագրել են տնտեսական և մշակութային համագործակցության ամրապնդմանն ուղղված նոր եռամյա համագործակցության ծրագիր, ՌԻԱ Նովոստիին հայտնել են Թուրքիայում Ռուսաստանի դեսպանատնից։
Անկարա է այցելել Մոսկվայի կառավարության պատվիրակությունը՝ նախարար և արտաքին տնտեսական և միջազգային հարաբերությունների վարչության պետ Սերգեյ Չերեմինի գլխավորությամբ։
Չերեմինը հանդիպել է Թուրքիայի մայրաքաղաքի քաղաքապետ Մանսուր Յավաշի հետ։ Բանակցություններից հետո Մոսկվայի կառավարության և Անկարայի քաղաքապետարանի միջև ստորագրվել է համագործակցության համաձայնագիր՝ 2026-2029 թվականների համար։ Ռուսաստանի դեսպանատունը նշել է, որ Մոսկվան և Անկարան քույր քաղաքների կարգավիճակ ունեն 1992 թվականից։
Նույն օրը Անկարայի առևտրի պալատում տեղի է ունեցել «Մոսկվա-Անկարա. գործընկերության նոր փուլ» խորագրով համաժողով՝ երկու երկրների գործարար համայնքների ներկայացուցիչների մասնակցությամբ։ Այցի մշակութային մասը ներառում էր Վյաչեսլավ Այլենկրիգի ջազային նվագախմբի համերգը և «Ժամանակակից Մոսկվա» լուսանկարչական ցուցահանդեսի բացումը։ Հյուրերին ողջույնի խոսքով դիմել է Թուրքիայում Ռուսաստանի գործերի ժամանակավոր հավատարմատար Ալեքսեյ Իվանովը։
Չորեքշաբթի օրը Չերեմինը այցելել է քաղաքի կենտրոնական այգիներից մեկում գտնվող Մոսկվա-Անկարա բարեկամության ծառուղի, որտեղ տեղական իշխանությունների հետ քննարկել է բարեկարգման ծրագրերը։
News.am
