Սկանդալային բլոգեր Վարդան Ղուկասյանը, որը հայտնի է Դոգ մականունով, չի արտահանձնվի Հայաստան, բայց պետք է լքի ԱՄՆ–ն։ Տեղեկությունը հրապարակվել է կուսակցության ֆեյսբուքյան էջում։
«Դատարանը գտել է ,որ Վարդան Ղուկասյանի կողմից թույլ են տրվել միգրացիոն կարգի խախտումներ, ուստի պետք է լքի ԱՄՆ ի սահմանները»,–ասված է հաղորդագրությունում։
Հիշեցնենք` փետրվարի 21-ին տեղեկություններ տարածվեցին, թե ԱՄՆ–ում բնակվող Վարդան Ղուկասյանը հոսպիտալացվել է, սրտի հետ կապված լուրջ խնդիրներ ունի, վիճակը ծայրահեղ ծանր է։
Սակայն փետրվարի 27-ին «ԴՕԿ» կուսակցության լրատվական էջում հաղորդագրություն տարածվեց այն մասին, որ Ղուկասյանի գտնվելու վայրն անհայտ է, հիվանդանոցում լինելու մասին լուրերը չեն հաստատվում։
Փետրվարի 28-ին հայտնի դարձավ, որ Վարդան Ղուկասյանը ձերբակալված է և գտնվում է Լաս Վեգասում` ձերբակալվածների պահման վայրում։
Նրա փաստաբան Լևոն Բաղդասարյանը մարտի 19-ին հայտնեց, որ Վարդան Ղուկասյանը կմնա կալանքի տակ։
Sputnik Արմենիա
