Իսրայելի կառավարությունը հաստատել է Գազայի հատվածում պահվող բոլոր պատանդներին ազատ արձակելու ծրագիրը, որը նախատեսված է անկլավում հակամարտության խաղաղ կարգավորման առաջին փուլի համար: Այս մասին հայտնել է Իսրայելի վարչապետի գրասենյակը։
Հրապարակման մեջ նշվել է, որ կառավարությունը հաստատել է բոլոր պատանդներին, նույնիսկ նրանց, ովքեր ողջ չեն, ազատ արձակելու համաձայնագիրը։
Մեկ օր առաջ Գազայի հատվածում պաղեստինյան ՀԱՄԱՍ շարժման ղեկավար Խալիլ ալ-Հայան հայտարարել էր, որ Իսրայելի իշխանությունները հրադադարի համաձայնագրի շրջանակում ազատ կարձակեն պաղեստինցի բոլոր կանանց և երեխաներին։
Գազայի հատվածում հրադադարի ռեժիմն ուժի մեջ է մտել հոկտեմբերի 9-ին։ Պայմանավորվածությունների առաջին փուլի շրջանակում, որոնք ձեռք են բերվել ԱՄՆ նախագահ Դոնալդ Թրամփի միջնորդությամբ, ազատ կարձակվեն երկու կողմերի բոլոր պատանդները, ինչպես նաև կիրականացվի իսրայելական զորքերի հետքաշում դեպի համաձայնեցված գծեր։
News.am
