Հայաստանի իշխանությունները չեն հրաժարվի Էջմիածինը գրավելու մտադրությունից
Քաղաքագետ Բենիամին Մաթևոսյանն Alpha News-ի եթերում «Վերնագիր» հեղինակային հաղորդման ընթացքում ներկայացրել է թեմայի շուրջ մասնագիտական վերլուծություն, որում մասնավորապես ասվում է.
«Հոկտեմբերի 15-ի երեկոյան Սուրբ Էջմիածինից հայտնեցին, որ այսօր ուժայինների կողմից ձերբակալվել են Արագածոտնի թեմի առաջնորդը և նույն թեմի 12 քահանա։ Ձերբակալությունների հիմք է դարձել Հովհաննավանքի վանահայր Արամ Ասատրյանի արտահայտությունը, ով սեպտեմբերի 16-ին Հանրային հեռուստատեսությանը տված հարցազրույցում հայտարարել էր, որ իրեն և այլ հոգևորականների ստիպել են մասնակցել 2021 թվականի ընդդիմության ակցիաներին։ Դրանից հետո իշխանամետ լրատվամիջոցներից մեկը դիմել էր Գլխավոր դատախազություն՝ խնդրելով քննություն անցկացնել և անհրաժեշտության դեպքում հարուցել քրեական գործ։
Վաղարշապատի ավագանու ընտրությունների նախաշեմին, որոնց մասնակցում են միանգամից մի քանի ընդդիմադիր ուժեր (Վաղարշապատի ավագանու արտահերթ ընտրություններին, որոնք տեղի կունենան նոյեմբերի 16-ին, մասնակցության հայտ են ներկայացրել 9 ուժ. 1 դաշինք և 8 կուսակցություն։ Իշխանությունն այդ ընտրություններին մասնակցում է երկու կուսակցությամբ՝ Նիկոլ Փաշինյանի «Քաղաքացիական պայմանագիր»-ը և նրա «արբանյակ»-ը՝ Արամ Սարգսյանի «Հանրապետություն» կուսակցությունը։ Ընդդիմությունը ներկայացված է «Մայր Հայաստան» կուսակցությամբ, «Հաղթանակ» դաշինքով (որի մեջ մտնում են ՀՅԴ «Դաշնակցություն»-ը և «Առաջ» կուսակցությունը), ինչպես նաև Արթուր Վանեցյանի «Հայրենիք» և «Ժառանգություն» կուսակցություններով), Նիկոլ Փաշինյանը փորձում է ճնշել եկեղեցին, փորձում է «հաղթանակ տանել եկեղեցու նկատմամբ», որպեսզի հասարակական հիասթափության և ցնցումի ֆոնին կարողանա հաղթել ընտրություններում։ Եկեղեցու նկատմամբ հաղթանակը, որը նա կփորձի տեղափոխել ընտրությունների հաղթանակի հարթություն, անհրաժեշտ է նաև պետական ապարատի համախմբման համար, որն ԱԺ ընտրությունների նախաշեմին, արձանագրելով հերթական ճեղքը Փաշինյանի համակարգում, կարող է ավելի քիչ լոյալ դառնալ ՔՊ առաջնորդին։
Դատելով ամեն ինչից՝ արդեն իսկ գործի դրված վարչական ռեսուրսը (Հայաստանի կառավարության հունիսի 20-ի որոշմամբ Վաղարշապատ և Խոյ համայնքները միավորվել են՝ այդպիսով ձևավորելով խոշորացված Վաղարշապատի համայնքը։ Ընտրություններին մասնակցող ընդդիմության մի շարք ներկայացուցիչներ ամենօրյա ռեժիմով ազդարարում են, որ տարբեր տվյալներով ընտրական ցուցակներում ներառվել են մինչև 5 հազար չհաշվառված քաղաքացիներ, պարզ ասած՝ «մեռած հոգիներ») Փաշինյանի ընկալմամբ բավարար չէ ընտրություններում հաղթելու համար, և հենց այդ պատճառով անհրաժեշտություն է առաջացել հերթական շոուով՝ «աղմկահարույց ձերբակալություններով», մոբիլիզացնելու իր ընտրազանգվածը։
Դրա համար էլ անհրաժեշտ է «փոքրիկ հաղթական պատերազմը»։ Դրա համար էլ այսօր ձերբակալում են ՀԱԵ ներկայացուցիչներին։
Բայց պարադոքսն այն է, որ իր գործողություններով Փաշինյանն ինքն է չափազանց մեծ նշանակություն տալիս Վաղարշապատի ավագանու սպասվող ընտրություններին։ Սա պետք է ազդանշան լինի իսկական ընդդիմության համար։ Կարևոր է, որ ընդդիմադիր ուժերը չաշխատեն միմյանց դեմ, այլ կենտրոնանան բացառապես «Քաղաքացիական պայմանագիր»-ի, նրա դուստր կազմակերպության՝ Արամ Սարգսյանի կուսակցության դեմ պայքարի վրա։
Իրական շանսեր կան պարտության մատնել «Քաղաքացիական պայմանագիր»-ը հերթական համայնքում և դա անել Խորհրդարանական ընտրություններից առաջ։
Իսկ Սուրբ Էջմիածնի հոգևոր առաջնորդները պետք է ընտրություն կատարեն. կա՛մ նրանք շարունակում են միայն աղոթել և «շախմատ խաղալ», կա՛մ էլ գոնե մաքրում են իրենց շարքերը և պատրաստվում դիմադրություն ցույց տալ «Փաշինյանի խաչակրաց արշավանքին ընդդեմ եկեղեցու»։
Մտածե՛ք այդ մասին․.․»։
