Երևանում հայ-ադրբեջանական քննարկմանը մասնակցել է նաև Լաչինի միջանցքը արգելափակած «էկոակտիվիստ» Դիլարա Էֆենդիևան։ Տեղեկությունը հայտնում է FIP փաստերի ստուգման հարթակը:
«Նա 2022-ի դեկտեմբերից անձամբ էր մասնակցում Արցախում մարդասիրական ճգնաժամի պատճառ դարձած ապօրինի գործողություններին: Այդ օրերին Էֆենդիևան պնդում էր՝ «պատրաստ են ԼՂ-ից ՀՀ գնացող շտապօգնության մեքենաներին ճանապարհ տալ»։ Սակայն FIP.am-ը դեռ այդ ժամանակ էր ներկայացրել նրա այդ պնդման կեղծ լինելը»,- նշում է կայքը:
Հիշեցնենք` ՀՀ ԱԽ քարտուղար Արմեն Գրիգորյանը հոկտեմբերի 22–ի հանդիպել էր ադրբեջանական քաղհասարակության ներկայացուցիչների հետ, որոնք հոկտեմբերի 21-22–ին մասնակցել են «Double tree by Hilton» հյուրանոցում կայացած կլոր սեղանին: Քննարկվել է «խաղաղության օրակարգը»։
Sputnik Արմենիա
