Ադրբեջանի նախագահի օգնական Հիքմեթ Հաջիևը հնարավոր չի համարում Իլհամ Ալիևի այցը Երևան՝ Եվրոպական քաղաքական համայնքի գագաթնաժողովի համար։ Այս մասին Ալիևի օգնականն ասել է տեղական լրատվամիջոցների հետ զրույցում:
Ադրբեջանական կողմը չի հավատում, որ ստեղծված պայմաններում Ադրբեջանի մասնակցությունը այս միջոցառմանը ամենաբարձր մակարդակով հնարավոր կլինի։ Հաջիևը հայտարարել է, որ Ալիևին ուղղված պաշտոնական հրավեր-նամակ դեռևս չեն ստացել։
ՀՀ արտգործնախարար Արարատ Միրզոյանն ավելի վաղ լրագրողների հետ զրույցում հայտարարել էր, որ 2026 թվականին Հայաստանում կայանալիք Եվրոպական քաղաքական համայնքի 8-րդ գագաթնաժողովին Հայաստանը հրավիրել է Թուրքիայի նախագահ Ռեջեփ Թայիփ Էրդողանին և Ադրբեջանի նախագահ Իլհամ Ալիևին։
Sputnik Արմենիա
