Կոտայքի մարզի Աբովյան քաղաքում ոչ թե 1, այլ 2 քաղաքացու են դանակահարել։ Տեղեկությունը հայտնում է shamshyan.com–ը։
Ավելի վաղ ՆԳՆ–ից տեղեկացրել էին, որ ժամը 17։00-ի սահմաններում Աբովյան քաղաքում 1 երիտասարդի են դանակահարել։
Ըստ shamshyan.com–ի` դանակահարությունը տեղի է ունեցել կանգառի մոտ։
Դանակահարվածներին տեղափոխել են «Աբովյան» բժշկական կենտրոն։ Բժիշկները ոստիկաններին հայտնել են, որ տուժածներից մեկը մահացել է, իսկ մյուսը գտնվում է վիրահատարանում ու ի վիճակի չէ կատարվածի մասին բացատրություն տալու:
Լրատվամիջոցի տեղեկություններով` մահացածը 24-ամյա Սարգիս Զ.-ն է։
Sputnik Արմենիա
