Եվրամիությունը կհամագործակցի Ադրբեջանի և Հայաստանի հետ տարածաշրջանում կայուն խաղաղության և փոխադարձ զարգացման հասնելու նպատակով։ Այդ մասին հայտարարել է Հարավային Կովկասի հարցերով ԵՄ հատուկ ներկայացուցիչ Մագդալենա Գրոնոն:
Այսպիսով, նա ամփոփել է նոյեմբերի 18-19-ը Երևանում անցկացված «բարձր մակարդակի ինտենսիվ և կարևոր խորհրդակցությունները»: Գրոնոն շնորհակալություն է հայտնել ՀՀ փոխվարչապետ Մհեր Գրիգորյանին, ԱԳ նախարար Արարատ Միրզոյանին և իշխանության այլ ներկայացուցիչների՝ Բաքվի և Երևանի միջև խաղաղ կարգավորման գործընթացի, Անկարայի և Երևանի միջև հարաբերությունների կարգավորման, մարդասիրական հարցերի և տարածաշրջանային համագործակցության վերաբերյալ մտքերի խորը և մանրամասն փոխանակման համար:
«Եվրամիությունը կհամագործակցի Ադրբեջանի և Հայաստանի հետ տարածաշրջանում կայուն խաղաղության և փոխադարձ զարգացման հասնելու նպատակով», – «X» սոցցանցում գրել է Գրոնոն։
Ավելի վաղ Ադրբեջանի ԱԳՆ ներկայացուցիչ Այխան Հաջիզադեն հայտարարել էր, որ Բաքուն Երևանից պահանջում է հայ-ադրբեջանական սահմանից հեռացնել Եվրամիության մոնիթորինգային առաքելությունը, որը, նրա խոսքով, «օգտագործվում է որպես հակաադրբեջանական քարոզչության գործիք»:
Sputnik Արմենիա
