ՄԱԳԱՏԷ-ի կառավարիչների խորհուրդը բանաձև է ընդունել, որով Իրանից պահանջում է անհապաղ հայտնել հարստացված ուրանի պաշարների և ռմբակոծված միջուկային օբյեկտների վիճակի մասին տեղեկություններ: Այս մասին հայտնում է ՌԻԱ Նովոստին՝ վկայակոչելով դիվանագետներին։
«ՄԱԳԱՏԷ-ի կառավարիչների խորհուրդը արևմտյան երկրների քաղաքական հավակնություններից բխող բանաձև է ընդունել, որով Իրանից պահանջվում է անհապաղ հայտնել հարստացված ուրանի պաշարների և ռմբակոծված միջուկային օբյեկտների վիճակի մասին տեղեկություններ», – ասել են դիվանագետները:
Նշվում է, որ փաստաթուղթն ընդունվել է ձայների նվազագույն քանակով: «Կողմ» է քվեարկել 19 երկիր, Ռուսաստանը, Չինաստանը և Նիգերը դեմ են հանդես եկել, ևս 12 երկիր ձեռնպահ են մնացել:
«Մեծ Բրիտանիայի, Գերմանիայի, ԱՄՆ-ի և Ֆրանսիայի փաստարկները համոզիչ չեն նրանց համար, ովքեր չեն ցանկանում քաղաքականացնել խորհրդի աշխատանքը՝ մատնանշելով, որ Իրանի նկատմամբ ՄԱԳԱՏԷ-ի երաշխիքների ներկայիս կիրառումը հետևանք է գործակալության երաշխիքների ներքո գտնվող իրանական միջուկային օբյեկտների վրա ԱՄՆ-ի և Իսրայելի հունիսյան անօրինական հարձակումների», – հայտարարել են դիվանագետները:
Ավելի վաղ ՄԱԳԱՏԷ-ի ղեկավար Ռաֆայել Գրոսին կոչ էր արել Իրանին ապահովել գործակալության հասանելիությունը վնասված օբյեկտներին, հատկապես ցածր և բարձր հարստացված ուրանի պաշարներին, որոնց կարգավիճակը հրատապ պարզաբանում է պահանջում:
Sputnik Արմենիա
