Երեկ երեկոյան հրդեհ է բռնկվել Գեղարքունիքի մարզում` Ճամբարակ-Թթուջուր հատվածի սարալանջին։ Տեղեկությունը հայտնում է ՀՀ ՆԳՆ փրկարար ծառայությունը։
Նշվում է, որ հրդեհաշիջման աշխատանքներում ներգրավվել են ՆԳՆ Փրկարար ծառայության Գեղարքունիքի և Տավուշի ստորաբաժանումներից 5 մարտական հաշվարկ, 4 օպերատիվ խումբ։
«Նախնական տվյալներով այրվում է 70-80 հա խոտածածկ տարածք։ Հրշեջ-փրկարարներին հաջողվել է կանխել հրդեհի տարածումը դեպի անտառապատ գոտիներ և բնակելի տարածքներ»,–ասվում է հաղորդագրության մեջ։
ՆԳՆ–ից նշում են, որ այս պահին հրդեհաշիջման աշխատանք է կատարում 90 փրկարարական ծառայող։
Կտրվի լրացուցիչ տեղեկություն։
Sputnik Արմենիա
