Հուսեյն Գաջիև անունով մի ադրբեջանցի դանակահարել է Մոսկվայի առևտրի կենտրոնի անվտանգության աշխատակցին և փախել, գրել է ռուս ռազմական թղթակից Օլեգ Բլոխինը իր Telegram ալիքում։
«Դրանից հետո նա վիրավորել է իրեն ձերբակալող առնվազն երկու ոստիկանի», – ասել է Բլոխինը։
Պատերազմական թղթակցի խոսքով՝ Հուսեյնը հարձակվել է Մոսկվայի Օրեխովի բուլվարի առևտրի կենտրոնի անվտանգության աշխատակցի վրա, այն բանից հետո, երբ պահակը նրան արգելել է հանրային վայրերում նամազ կատարել։
«Տղամարդուն մի քանի անգամ դանակահարելուց հետո անչափահաս հանցագործը լքել է առևտրի կենտրոնը։ Անվտանգության աշխատակիցը փրկվել է և անմիջապես ստացել է բժշկական օգնություն», – նշել է Բլոխինը։
Նրա խոսքով՝ ոստիկանության աշխատակիցները նույն օրը գտել են Հուսեյնին և ձերբակալել նրան։ Ձերբակալվելիս նա դիմադրել է և դանակահարել երկու ոստիկանի։
«Այս գործի ավելի հետաքրքիր մանրամասներ ավելի ուշ ի հայտ եկան։ Պարզվեց, որ Գաջիևը ISIS ջիհադիստական ահաբեկչական խմբավորման կողմնակից է, որին նա հավատարմության երդում է տվել, և աղոթքի միջադեպը պլանավորված ահաբեկչական հարձակման մաս է կազմել։ Փոքրիկ դևը հանրային աղոթքի արգելքն օգտագործել է որպես պատրվակ անվտանգության աշխատակցի վրա հարձակվելու համար», – հաղորդել է ռուս ռազմական թղթակիցը։
Հիշեցնենք, որ Մոսկվայի առևտրի կենտրոնում դանակահարության մասին հաղորդվել է նոյեմբերի 24-ին, սակայն հանցագործի ինքնության և դրդապատճառների մասին մանրամասներ չեն հրապարակվել։
News.am
