Ռուսաստանի և Թուրքիայի միջև հարաբերությունները զարգանում են դինամիկ և դրական ձևով։ Քաղաքական երկխոսությունը արդյունավետ է։ Այս մասին հայտարարել է փոխարտգործնախարար Սերգեյ Ռյաբկովը, փոխանցում է TASS-ը։
«Կան մի շարք խոշոր նախագծեր, որոնք հիմք են դնում մեր տնտեսական գործընկերության համար՝ առաջիկա տարիների և տասնամյակների համար։
Կան նրբերանգներ և բնականաբար կան որոշակի անհամապատասխանություններ, այդ թվում՝ լուրջ միջազգային խնդիրների ընկալման մեջ։ Սա նորմալ է։ Երկրների միջև հասուն հարաբերությունները, հատկապես այնպիսի երկրների միջև, ինչպիսիք են Ռուսաստանը և Թուրքիան, քանի որ Թուրքիան ՆԱՏՕ-ի անդամ է, ենթադրում են, որ ամեն ինչ կատարյալ չէ և կան պատճառներ այս քննարկումները շարունակելու համար։ Մեր կառավարական ապարատի բոլոր մակարդակները, տնտեսական բլոկը և իհարկե, երկխոսության առաջնորդները լավ հարաբերությունների մեջ են։
Այստեղ, մեծամասամբ, ներուժը ոչ միայն չի օգտագործվել, այլև մենք նոր ենք սկսում գիտակցել, թե ինչ է հնարավոր անել Թուրքիայի հետ մեր հարաբերություններում», – հավելել է Ռուսաստանի Դաշնության փոխարտգործնախարարը։
News.am
