ՌԴ նախագահ Վլադիմիր Պուտինը India Today-ին տված հարցազրույցում հայտարարել է, որ չի ցանկանում G8 վերադառնալ։
G7-ի մասնաբաժինը համաշխարհային տնտեսությունում տարեցտարի կրճատվում է, շագրենի կաշվի նման, ասել է ՌԴ նախագահը։
Ավելի վաղ Բիշքեկում Ռուսաստանի նախագահ Վլադիմիր Պուտինը հայտարարել էր, որ Ռուսաստանը չի հրաժարվել G7–ի երկրների հետ շփումներից, սակայն Մոսկվան որևէ պաշտոնական հրավեր չի ստացել G8–ի իր նախկին գործընկերներից։
Ռուսաստանի՝ G8 վերադառնալու հարցը բազմիցս բարձրացվել է, այդ թվում՝ ԱՄՆ նախագահ Դոնալդ Թրամփի կողմից, սակայն այն աջակցություն չի ստացել անդամ երկրների մեծամասնության շրջանում։
Վերջերս Reuters-ը հայտնել էր, որ եվրոպացիները, ուկրաինական հակամարտության խաղաղ կարգավորման իրենց ծրագրում պատրաստ են Ռուսաստանին առաջարկել վերադառնալ G8։ Նույն օրը՝ նոյեմբերի 24-ին, Գերմանիայի կանցլեր Ֆրիդրիխ Մերցը Յոհաննեսբուրգում կայացած G20 գագաթնաժողովից հետո տեղի ունեցած մամուլի ասուլիսում հայտարարեց, որ G7 (Մեծ Բրիտանիա, Գերմանիա, Իտալիա, Կանադա, ԱՄՆ, Ֆրանսիա և Ճապոնիա) անդամ վեց երկրները պատրաստ չեն համագործակցել Ռուսաստանի հետ այս ձևաչափի շրջանակում։
Sputnik Արմենիա
