Սիրիայի և Թուրքիայի, ինչպես նաև Թուրքիայի և Ադրբեջանի միջև էներգետիկ միջանցքը կարող է չափազանց շահեկան լինել։ Ինչպես տեղեկացրել է APA-ն, այս մասին հայտնել է Թուրքիայում ԱՄՆ դեսպան Թոմ Բարաքը «Մերձավոր Արևելք և Աֆրիկա 2025» միջոցառման ժամանակ, որը կազմակերպել էր Milken Institute վերլուծաբանական կենտրոնը։
Նա ընդգծել է Թուրքիայի վճռական դերն Ադրբեջանի և Հայաստանի համար։
Դիվանագետի խոսքով՝ Բաքվի և Երևանի միջև խաղաղության համաձայնագրի ստորագրումից հետո հայ-թուրքական սահմանի բացման հույս կառաջանա։
«Եթե երթուղին երկարացվի Կասպից ծովից մինչև Միջերկրական, ապա դա թույլ կտա լուծել տարածաշրջանային բոլոր էներգետիկ խնդիրները»։
News.am
