Հռոմի պապը կարծում է, որ Թրամփը փորձում է խզել ԱՄՆ-Եվրոպա դաշինքը, հաղորդում է Sky News-ը։
Այսպես է մեկնաբանել Հռոմի պապ Լևոն XIV-ը Դոնալդ Թրամփի վերջին հայտարարությունները, որոնցում նա ասել է, որ Եվրոպան անկման մեջ է և ունի թույլ առաջնորդներ։
«Կարծում եմ, ցավոք, այս ամենի որոշ ասպեկտներ, որոնք ես տեսել եմ, հանգեցրել են հսկայական փոփոխությունների այն բանում, ինչը երկար տարիներ եղել է Եվրոպայի և Միացյալ Նահանգների միջև իրական դաշինք», – հավելել է նա։
Լրագրողի հարցին, թե արդյոք նա արդարացի է համարում Ուկրաինայի համար ԱՄՆ խաղաղության ծրագիրը, պապը պատասխանել է, որ «նախընտրում է չմեկնաբանել դա»։
«Այսպիսով, սա այն ծրագիրն է, որը մշակել են նախագահ Թրամփը և նրա խորհրդականները։ Նա Միացյալ Նահանգների նախագահն է։ Նա իրավունք ունի դա անել, բայց դրանում կան մի շարք կետեր, որոնց հետ, կարծում եմ, Միացյալ Նահանգներում շատերը կհամաձայնվեն, բայց շատ ուրիշներ իրերը այլ կերպ կընկալեն», – ասել է Հռոմի պապը։
News.am
