Իրանի Իսլամական հեղափոխության պահապանների կորպուսի (ԻՀՊԿ) ցամաքային ուժերը երկրի հարավարևելյան Սիստան և Բելուջիստան նահանգում՝ Պակիստանի հետ սահմանի մոտ, ջախջախել են Իսրայելի հետ առնչություն ունեցող մի քանի զինյալ խմբերի և մի քանի ամերիկյան արտադրության ռազմական զենք առգրավել նրանցից, հաղորդում է Press TV-ն։
Ըստ Sepah լրատվական կայքի՝ «Իսրայելի հետ առնչություն ունեցող ահաբեկիչները ներթափանցել են երկիր Իրանի արևելյան սահմաններով և ապաստան են գտել նահանգի մայրաքաղաք Զահեդանում գտնվող յոթ տարբեր թաքստոցներում»։
Այդ խմբերը հետագայում հայտնաբերվել և չեզոքացվել են Ղոդսում ԻՀՊԿ ցամաքային բազայի, անվտանգության ուժերի և նահանգային հետախուզության անցկացրած լայնածավալ համատեղ գործողության ընթացքում։ Անվտանգության գործողության ընթացքում զինյալներից առգրավվել են ամերիկյան արտադրության մի քանի ռազմական զինամթերք, ինչպես նաև պայթուցիկ սարքեր։
Ըստ իրանական լրատվամիջոցների՝ Իսրայելի հետ առնչություն ունեցող զինյալներն, ըստ տեղեկությունների, լայնածավալ վերապատրաստում են անցել արտասահմանում և ծրագրում էին դիվերսիաներ և ահաբեկչական գործողություններ կատարել Իրանում։
Իրանի սահմանապահ ոստիկանության ուժերն իրենց հերթին Սիստան և Բելուջիստան նահանգներում հաջողությամբ մաքսանենգ զենքի մի խմբաքանակ են բացահայտել։ Առգրավված զինամթերքը նախատեսված էր դիվերսանտներին և անկարգությունների մասնակիցներին բաշխելու համար, ովքեր վերջին մի քանի օրերի ընթացքում երկրում տեղի ունեցած մահացու, արտերկրի աջակցությամբ տեղի ունեցած անկարգությունների ընթացքում հանրային և մասնավոր սեփականություն են հրկիզել և զգալի վնասներ պատճառել։
Զինամթերքի մեջ նաև ներառված էր 21 ատրճանակ, չորս Կալաշնիկով ինքնաձիգ, երկու որսորդական հրացան և 2516 մարտական փամփուշտ։
Ձերբակալվել են նաև երկու մաքսանենգներ, իսկ նրանց փոխդարամիջոցը առգրավվել է զենքի առգրավման կապակցությամբ։
News.am
