ԱՄՆ նախագահ Դոնալդ Թրամփը հայտարարել է, որ Գազայի հարցով իր առաջարկած «Խաղաղության խորհուրդը» կարող է փոխարինել ՄԱԿ-ին, ինչը, փորձագետների կարծիքով, ներկայացնում է «գոյություն ունեցող միջազգային կարգի» վերանայումը, հաղորդում է Fox News-ը։
Երեքշաբթի օրը տրված հարցին, թե արդյոք նա կարծում է, որ նոր կազմակերպությունը կփոխարինի ՄԱԿ-ին, Թրամփը պատասխանել է. «Հնարավոր է»։
ԱՄՆ նախագահը լրագրողներին ասել է, որ ՄԱԿ-ը չի կատարում իր առաքելությունը։
«Ես ՄԱԿ-ի մեծ երկրպագու եմ, բայց այն երբեք չի արդարացրել սպասումները։ ՄԱԿ-ը պետք է կարգավորեր բոլոր պատերազմները, որոնք ես կարգավորեցի», – ասել է Թրամփը։
News.am
