2025 թվականի հունվար-դեկտեմբեր ամսիներին Հայաստանի 1000 խոշոր հարկատուների ցանկը գլխավորում է «Մոբայլ սենթր» ընկերությունը, որը 1 տարում վճարել է 77 մլրդ 864 մլն դրամ հարկ։ Տեղեկությունը հայտնում է ՀՀ պետական եկամուտների կոմիտեն։
Երկրորդ տեղում «Գրանդ Տոբակոն» է՝ 66 մլրդ 119 մլն դրամ վճարումով, իսկ երրորդ տեղում՝ «Զանգեզուրի պղնձամոլիբդենային կոմբինատը», որը հանքարդյունաբերության ոլորտի խոշոր հարկատուն է։ Ընկերությունը վերոնշյալ ժամանակահատվածում վճարվել է 52 մլրդ 164 մլն դրամ հարկ։
Ցանկի 4-րդ տեղում է «Գազպրոմ Արմենիա» ընկերությունը։ Այն պետբյուջե է վճարել 43 մլրդ 236 մլն դրամ, իսկ 5-րդ տեղում «Արդշինբանկն» է՝ 40 մլրդ 201 մլն դրամով։
Տասնյակում են նաև «Ամերիաբանկը» (29 մլն 3 մլն դրամ), «Դիջիթեյնը»՝ (26 մլրդ 589 մլն), Ինթերնեյշնլ Մասիս տաբակ» ընկերությունը (25 մլրդ 937 մլն, «Սի Փի Էս էներջի» գրուպը (24 մլրդ 810 մլն դրամ), ինչպես նաև «Սոֆթ կոնստրակտ» ընկերությունը (23 մլրդ 777 մլն դրամ)։
Ընդհանուր առմամբ, առաջատար 10 հարկատուների կողմից 2025թ. հունվար-դեկտեմբեր ամիսներին վճարվել է շուրջ 409.71 մլրդ դրամ հարկ, իսկ 1000 խոշոր հարկատուների կողմից մուծված հարկերի ծավալը կազմել է 1 տրլն․ 946 մլրդ դրամ։
Նշենք, որ ավանդաբար 1000 խոշոր հարկատուների ցանկը գլխավորող Զանգեզուրի պղնձամոլիբդենային կոմբինատը 2025 թվականի ընթացքում զբաղեցրել է շատ ավելի ցածր հորիզոնականներ։ 2025 թ. «Մոբայլ սենթրից» հետո առաջատարների շարքում են եղել «Գրանդ Տոբակո» և «Գազպրոմ Արմենիա» ընկերությունները։ ԶՊՄԿ–ն խոշոր հարկատուների ցանկը գլխավորել է 2024 թվականին։
Sputnik Արմենիա
