Առաջավորաց պահքի բարեկենդանի երեկոյան Թեմի վարչական խորհրդի ատենապետ Հոգեշնորհ Տեր Շնորհք Աբեղա Պալոյանի հանդիսապետությամբ՝ Արագածոտնի թեմի հոգևորականները հավատացյալների հետ մեկտեղվել էին համատեղ աղոթքի Աշտարակի Սուրբ Մարիանե Եկեղեցում։
Կատարվել է «Կանոն գիշերային ժամու աղոթից, որ կատարի ի վերայ ծանր հիւանդաց՝ ի բժշկութիւն ցաւոց և ի քաւութիւն յանցանաց» կարգը։
«Այս կարգն, ըստ Հայ Առաքելական Սուրբ Եկեղեցու ծիսակարգի, կատարվում է ծանր հիվանդի համար, սակայն քանի որ այսօր հայ հասարակությունը փոթորկված է, ատելության խոսքն ու վարմունքը ցավոք տիրապետող են, և սա մեղքի արտահայտություն է, ուստի կարգը կատարվեց ընդհանական կերպով՝ ի բժշկություն և ի խաղաղություն ազգիս հայոց»։
Արագածոտնի թեմը ձևավորում է Առաջավորաց պահքից առաջ այս խորհդավոր կարգը կատարելու գեղեցիկ ավանդություն։
Արարողության ավարտին իր խոսքը ներկաներին ուղղեց Արժանապատիվ Տեր Փառեն քահանա Առաքելյանը:
Տեր Հայրը ներկայացրեց հավատացյալներին կատարված կարգի խորհուրդը և հորդորեց պահել միայն Հայ Եկեղեցուն հատուկ այս պահքը/.ժ նշված է հաղորդագրությունում:
News.am
