Ադրբեջանը հատուկ հայտարարությամբ կմիանա «Մարդկային օրգանների անօրինական վաճառքի դեմ Եվրախորհրդի կոնվենցիային»։ Ինչպես հաղորդում է APA-ն, այդ մասին հայտարարվել է այսօր տեսակոնֆերանսի ձևաչափով անցկացված Միլլի Մեջլիսի իրավական քաղաքականության և պետական շինարարության հարցերի հանձնաժողովի նիստում՝ «Մարդկային օրգանների անօրինական վաճառքի դեմ Եվրախորհրդի կոնվենցիան հաստատելու մասին» օրինագծի քննարկման ժամանակ։
Նշվել է, որ դա պայմանավորված է այն հանգամանքով, որ մինչև Հայաստանի հետ հարաբերությունների կարգավորումը Կոնվենցիայի դրույթները չեն կիրառվի այդ երկրի հետ հարաբերություններում։
Ադրբեջանական լրատվամիջոցները չեն հայտնում, թե ինչ առնչություն ունի Հայաստանը և որն է հայտարարության էությունը։
News.am
