«Ռուսական երկաթուղիներ Տուր» ընկերությունը առաջարկում է մայիսյան տոներն անցկացնել Հայաստանի և Վրաստանի երկաթուղային ուղիներով ուղևորությամբ: Երկաթուղային ճանապարհորդության սիրահարների համար հասանելի է եռօրյա երթուղի՝ Երևան – Թբիլիսի – Երևան, հարմարավետ և ժամանակակից վագոններով՝ «Հարավկովկասյան երկաթուղի» ընկերության տրամադրած շարժակազմով:
ՏՈՒՐԻ ՄԵՋ ՆԵՐԱՌՎԱԾ ԵՆ՝
• Ընտրված կատեգորիայի վագոնով տեղափոխություն
• Տեսարժան վայրերի մուտքի տոմսեր
• Սնունդ
• Տրանսպորտային և էքսկուրսիոն ծառայություններ ըստ ծրագրի
Ուղևորության տևողությունը՝ 3 օր և 2 գիշեր, հասանելի է մայիսի 1-ից և 9-ից:
ՀԿԵ-ն արդեն ունի նմանատիպ փորձ՝ զբոսաշրջային երթուղիների համար շարժակազմ տրամադրելու ոլորտում։ Առաջին անգամ 2025 թվականին նման ծառայություններից օգտվեց չեխական «Gepard Express» ընկերությունը։ Զբոսաշրջիկները 9 օր անցկացրին ՀԿԵ-ի վագոններում և այցելեցին Հայաստանի և Վրաստանի բազմաթիվ տեսարժան վայրեր։
«Ռուսական երկաթուղիներ Տուր»-ը մասնագիտացված զբոսաշրջային օպերատոր և երկաթուղային փոխադրող ընկերություն է, որը մտնում է «Ռուսական երկաթուղիներ» Հոլդինգի կազմի մեջ: Ընկերությունը գործում է 2005 թվականից և իրականացնում է ներքին և միջազգային երկաթուղային տուրիզմ, ռետրո և թեմատիկ ուղևորություններ, խմբային և անհատական VIP տուրեր, ինչպես նաև համալիր նախագծեր՝ օգտագործելով երկաթուղային ենթակառուցվածքները:
