«Հայկական ավիաուղիներ» (Armenian Airlines) ավիաընկերությունը Ռուսաստան թռիչքներ կատարելու թույլտվություն չունի. նման հայտեր Ռոսավիացիան չի ստացել։ Այս մասին ՌԻԱ Նովոստիին հայտնել են ՌԴ տրանսպորտի նախարարությունից։
Ավիաընկերության չվերթերը հայտնվել են Ուֆայի և Եկատերինբուրգի օդանավակայանների սեզոնային չվացուցակներում, փետրվարի 24-ի դրությամբ դրանք մնում էին միայն Ուֆայի օդանավակայանի չվացուցակում։
«Հայկական ավիաուղիները» ավիաընկերությունը 2026 թվականի ամառային սեզոնի համար Ռոսավիացիային հայտ չի ներկայացրել։ Ընթացիկ ձմեռային սեզոնի համար ևս հայտեր չեն ստացվել», – պատասխանել է տրանսպորտի նախարարությունը «Հայկական ավիաուղիների» չվերթերի կարգավիճակի մասին հարցմանը։
Այսպիսով, ավիաընկերությունը Ռուսաստան թռիչքներ իրականացնելու թույլտվություն չունի, դա վերաբերում է ինչպես չարտերային, այնպես էլ կանոնավոր չվերթերին։
Sputnik Արմենիա
