ՀՀ ներքին գործերի նախարարությունում կադրային փոխատեղումներ են եղել։ Այս մասին տեղեկանում ենք ՀՀ ՆԳՆ մամուլի ծառայությունից։
Նշենք, որ ավելի վաղ ԶԼՄ-ներում տեղեկություններ էին տարածվել, որ պաշտոնանկ են արվել Պարեկային ծառայության ղեկավար Արթուր Խուդինյանը և 2 փոխոստիկանապետները` քրեական ոստիկանության գլխավոր վարչության պետ Վարդան Վարդանյանն ու համայնքային ոստիկանության գլխավոր վարչության պետ Կարեն Հակոբյանը։
ՆԳՆ հաղորդագրությունից պարզ է դառնում, որ քրեական ոստիկանության գլխավոր վարչության պետ Վարդան Վարդանյանն իսկապես ազատվել է պաշտոնից։ Նրա փոխարեն այդ պաշտոնում նշանակվել է ոստիկանության գնդապետ Արթուր Բարսեղյանը։
Պաշտոնից ազատվել է նաև ՀՀ ՆԳՆ ոստիկանության համայնքային ոստիկանության գլխավոր վարչության պետ Կարեն Հակոբյանը, որի պարտականություններն այսուհետ կկատարի ոստիկանության գնդապետ Կարեն Խաչատրյանը։
Եվ 3–րդ հրամանը` պաշտոնից ազատվել է ՆԳՆ ոստիկանության պարեկային ծառայության պետ Արթուր Խուդինյանը։ Նրա փոխարեն այդ պաշտոնում նշանակվել է ոստիկանության փոխգնդապետ Գևորգ Զաքարյանը։
Հավելենք, որ Վարդան Վարդանյանն ու Կարեն Հակոբյանը նշանակվել է ՀՀ ՆԳ նախարարի խորհրդական, իսկ Արթուր Խուդինյանը՝ ՀՀ ՆԳ նախարարի օգնական։
Sputnik Արմենիա
