ՀՀ արտաքին գործերի նախարար արարատ Միրզոյանը կարծում է, որ իր համագործակցությունը Ազգային անվտանգության ծառայության (ԱԱԾ) հետ չի կարող համեմատվել Ամենայն հայոց կաթողիկոս Գարեգին II-ի եղբոր՝ ԽՍՀՄ ՊԱԿ-ում ծառայած արքեպիսկոպոս Եզրաս Ներսիսյանի գործունեության հետ։
Մարտի 23-ին լրագրողների հետ զրույցում նախարարը, պատասխանելով այս հարցի վերաբերյալ հարցին, իր պատասխանը նախաբանեց նման հարցերի քաղաքական դրդապատճառների մասին և նշեց, որ ինքը բազմիցս պատասխանել է այս հարցին։
Նա, մասնավորապես, ասաց. «Շատ որոշակի տարեթվի Հայաստանի Հանրապետության, սա շատ առանցքային է, ՀՀ ԱԱԾ–ն ինձ որպես որոշակի կոնկրետ ոլորտում փորձագետի դիմել է օգնության համար, այսինքն փորձագիտական աջակցության համար։ Ես լինելով խիստ ընդդիմադիր քաղաքացի և ակտիվ ընդդիմադիր գործողություններին մասնակցող, այնուամենայնիվ, համարել եմ, որ սա իշխանությունների մասին չէ, Հայաստանի Հանրապետության մասին է, սա պետական ինստիտուտ է, հարցն էլ, որտեղ իմ աջակցությունն են խնդրում, բավականին ծանրակշիռ հարց է, համաձայնություն եմ հայտնել իրենց այդ հարցով որպես փորձագետ օգտակար լինելու։ Կարճ ժամանակ անց այդ աջակցությունն ավարտվել է։ Սա ես չեմ թաքցրել»։
Հարցին՝ դա համարվե՞լ է «գործակալ լինել», Արարատ Միզոյանն արձագանքեց. «Ես չգիտեմ դա ինչ է նշանակում։ Կարծում եմ, որ հավաքագրված, իրենց համար տարբեր հանձնարարություններ անող մարդն է գործակալը։
Բայց զուգահեռ տանել մի մարդու հետ, ով այս իրավիճակում իր երկրի ազգային անվտանգությանը փորձել է օգտակար լինել, և մի մարդու մեջ, ով եղել է մի կայսրության գորշակալ, մի քիչ բան է, էլի»։
News.am
