Ալի Լարիջանիի մահից հետո, Իրանի Գերագույն առաջնորդի հրամանագրով, Մոհամմադ Բաղեր Զոլղադրը նշանակվել է Գերագույն Ազգային Անվտանգության Խորհրդի նոր ղեկավար, հաղորդում է Mehr-ը։
Մոհամմադ Բաղեր Զոլղադրը ծնվել է 1954 թվականին Ֆասա քաղաքում (Ֆարս նահանգ): Նա 67 տարեկան է: Հեղափոխությունից առաջ և երիտասարդության տարիներին զբաղվել է կրոնական և քաղաքական գործունեությամբ, իսկ Իրանի Իսլամական հեղափոխության ժամանակ միացել է Փահլավի ռեժիմի դեմ պայքարող հեղափոխական խմբերին։
Հեղափոխությունից առաջ նա Մանսուրուն խմբակցության անդամ էր՝ Գերագույն առաջնորդի ռազմական խորհրդական Մոհսեն Ռեզայիի հետ միասին, որը ակտիվորեն մասնակցել է Փահլավի ռեժիմի դեմ զինված պայքարին: 1979 թվականի հեղափոխությունից հետո Զոլղադրը պատասխանատու էր Իսլամական հեղափոխության պահապանների կորպուսի անձնակազմի պատրաստման համար։
Ութամյա պատերազմից հետո Զոլղադրը ծառայեց որպես ԻՀՊԿ շտաբի պետ և ութ տարի նաև Իսլամական հեղափոխության պահապանների կորպուսի գլխավոր հրամանատարի տեղակալ։ Զոլղադրի՝ որպես գլխավոր հրամանատարի տեղակալի պաշտոնավարման ընթացքում, գեներալ Յահյա Ռահիմ Սաֆավին զբաղեցնում էր ԻՀՊԿ գլխավոր հրամանատարի պաշտոնը։
Զոլղադրը նաև ծառայել է որպես Իրանի ներքին գործերի նախարարի տեղակալ և ներքին գործերի նախարարի պաշտոնակատար։
News.am
