Ֆինլանդիայի նախագահ Ալեքսանդր Ստուբը պատասխանել է իր ամերիկացի գործընկեր Դոնալդ Թրամփի՝ ՆԱՏՕ-ի քննադատությանը՝ նշելով, որ Իրանում պատերազմը դաշինքի գործը չէ, գրում է The Guardian-ը։
Ըստ Ստուբի՝ Ֆինլանդիան շատ պրագմատիկ մոտեցում ունի տրանսատլանտյան գործընկերությանը։
«Այն մասամբ հիմնված է արժեքների վրա, բայց այժմ հիմնականում հիմնված է շահերի վրա։ Ես սկզբից ասել եմ, որ ԱՄՆ արտաքին քաղաքականությունը տարբերվում է նախկինում եղածից։ Մենք պետք է աշխատենք այն հարցերի շուրջ, որտեղ կա հստակ վայրէջքի գոտի և [ընդհանուր] շահեր՝ պաշտպանություն, ՆԱՏՕ, և, կարծում եմ, Ֆինլանդիայի դեպքում՝ սառցահատներ, և այդ դեպքում մենք պետք է հարգալից կերպով տարաձայնություն հայտնել կլիմայի փոփոխությանը, միջազգային կազմակերպություններինկամ, ասենք, Եվրամիությանը վերաբերող հարցերի շուրջ։ Ինչ վերաբերում է Իրանի դեմ պատերազմին՝դա ՆԱՏՕ-ի խնդիրը չէ, քանի որ ՆԱՏՕ-ն պաշտպանական դաշինք է»,- հայտարարել է Ֆինլանդիայի նախագահը։
Միևնույն ժամանակ, Ստուբը կարծում է, որ պատերազմի ավարտից հետո, հավանաբար, կլինեն երկրներ, որոնք կցանկանան օգնել Հորմուզի նեղուցը բաց պահել։
«Դա այն պատճառներից մեկն է, որ Ֆինլանդիան, Նորվեգիան… միացել են այս հարցի վերաբերյալ հռչակագրին 31 այլ երկրների հետ միասին։ Այսպիսով, մենք դա անում ենք, գիտեք, օր օրի և շարունակում ենք համագործակցել ամերիկացիների հետ»,- ասել է նա։
Ավելի վաղ ԱՄՆ նախագահը քննադատել էր ՆԱՏՕ-ին՝ Իրանի դեմ պատերազմում օգնելուց հրաժարվելու և, մասնավորապես, Հորմուզի նեղուցը բացելու համար նավեր ուղարկելուց հրաժարվելու համար։
News.am
