Իրանը դադարեցրել է բանակցությունները Միացյալ Նահանգների հետ՝ տեղեկացնելով Պակիստանին, որ այլևս չի մասնակցի հրադադարի բանակցություններին, հաղորդում է The New York Times-ը՝ վկայակոչելով երեք իրանցի պաշտոնյաների։
Ավելի վաղ Reuters գործակալությունը, վկայակոչելով բարձրաստիճան պաշտոնյայի, հաղորդել էր, որ Իրանը նախապայմաններ է առաջադրել Միացյալ Նահանգների հետ երկարատև խաղաղության համար։
Ըստ պաշտոնյայի՝ Թեհրանի նախապայմանների թվում են հարվածների անհապաղ դադարեցումը, հարձակումների չկրկնվելու երաշխիքները և հասցված վնասի փոխհատուցումը։
Պաշտոնյան նշել է, որ Թեհրանը մերժում է Միացյալ Նահանգների հետ ցանկացած հրադադար, որը միայն ժամանակավոր է։
Նա հավելել է, որ մշտական խաղաղության համաձայնագիրը պետք է Իրանին հնարավորություն ընձեռի պահանջել վճարներ Հորմուզի նեղուցով անցնող նավերի համար, որոնք կտատանվեն՝ կախված նավի տեսակից, դրա բեռից և ստեղծված պայմաններից։
News.am
