Telegram-ը դադարել է աշխատել Ռուսաստանում. Ooni հետազոտական նախագծի և Downdetector ծառայության տվյալների համաձայն՝ մեսենջեր մուտք գործելու փորձերի ձախողման մակարդակը մոտեցել է 100 տոկոսի: «Պարզվում է, որ Telegram-ը Ռուսաստանում ամբողջությամբ արգելափակված է»,- գրել է «Ինտերնետի պաշտպանության ընկերության» ղեկավար Միխայիլ Կլիմարյովը։
Վերջին մեկ ժամվա ընթացքում ստացվել է մոտ 800 բողոք, հիմնականում Մոսկվայից, Սանկտ Պետերբուրգից և Սամարայի մարզից: Օգտատերերը հայտնում են, որ մեսենջերը չի բացվում, չի ուղարկում հաղորդագրություններ կամ չի ներբեռնում մեդիա-ֆայլեր։
«Ռոսկոմնադզորը» սկսել է Telegram-ը արգելափակել 2025թ․ ամռանը՝ խարդախության դեմ պայքարի պատրվակով: Սկզբում նրանք սահմանափակել են ձայնային զանգերը, ապա դանդաղեցրել մեդիա-ֆայլերի փոխանցումը: 2026թ․ փետրվարին արգելափակումը խստացվել է՝ հղում կատարելով մեսենջերի՝ իշխանությունների հետ համագործակցելուց հրաժարվելուն: Մարտի վերջին Telegram-ի մատչելիությունը երկրում նվազել էր մինչև 20 տոկոս:
Չնայած արգելափակմանը ՝ շատ ռուսներ շարունակում են օգտագործել մեսենջերը VPN-ի միջոցով: Telegram-ի հիմնադիր Պավել Դուրովը դրանց թիվը գնահատել է օրական 65 միլիոն օգտատեր և հայտարարել է «թվային դիմադրության» արշավի մեկնարկի մասին՝ թողարկելով թարմացում, որը քողարկում է թրաֆիկը որպես Chrome բրաուզեր։
News.am
