«Փաստ» օրաթերթը գրում է. «Նիկոլ Փաշինյանն ու իր իշխանությունը դեռ չէին մարսել Freedom House-ի զեկույցն այն մասին, որ Հայաստանում 2023-ին ժողովրդավարական կառավարման վարկանիշը նվազել է՝ 2,50 ից հասնելով 2,25-ի, ինչպես նաև նույն իրավապաշտպան կազմակերպության «մտահոգությունը Հայաստանում ոստիկանական բռնության մասին հաղորդումների աճով», երբ հերթական ապտակն եկավ Արևմուտքից:

ԵԱՏՄ ինստիտուտի տնօրեն Վլադիմիր Լեպյոխինը Alpha News-ի հետ զրույցում անդրադարձել է պատմական հիշողության խնդրին և Օսմանյան կայսրությունում Հայոց ցեղասպանության համար Թուրքիայի պատասխանատվությանը։

Վերջին՝ տագնապալի և վտանգավոր զարգացումներով լի շաբաթվա ընթացքում երեք անգամ տեղեկություններ ստացվեցին բռնազավթված Արցախում բարբարոսների կողմից հայկական հետքի շարունակական համակարգված ոչնչացման մասին։ Աշխարհի և առաջին հերթին հենց Հայաստանի փաստացի լռությունը արձակում է ադրբեջանցի վանդալների ձեռքերը՝ հնարավորություն տալով Ալիևին նպատակաուղղված վերացնել Արցախում հայկական ոգին, որպեսզի պայմանական «վաղը» երկրամասի իրական տերերը չկարողանան ապացուցել իրենց իրավունքները նրա նկատմամբ։ Բաքվում շատ լավ հասկանում են, որ դրա համար պետք է ոչնչացնել նախևառաջ սրբավայրերը՝ տաճարներն ու հին հայկական գերեզմանատները։ Եվ առաջին հերթին Շուշիում՝ պատմության գլխավոր վկա և Արցախի հայկական ինքնության գլխավոր պահապան քաղաքում։

Տավուշի սահմանագծի փոփոխությունը ռազմավարական հարված է Հայաստանի դիրքերին։ Sputnik Արմենիայի հետ զրույցում այս տեսակետը հայտնեց քաղաքագետ Հրանտ Միքայելյանը։

Իլհամ Ալիևի ապրիլի 22-ին Մոսկվա նախատեսված մեկօրյա աշխատանքային այցի մասին անցած շաբաթվա վերջում հայտնել է Կրեմլի մամուլի ծառայությունը։ «Նախատեսվում է քննարկել ռուս-ադրբեջանական ռազմավարական գործընկերության և դաշնակցային հարաբերությունների հետագա զարգացման առանցքային հարցերը, ինչպես նաև մտքերի հանգամանալից փոխանակում իրականացնել տարածաշրջանային արդի խնդիրների շուրջ»,- ասվում է հակիրճ հաղորդման մեջ, որը չի ներառում երկու երկրների և նրանց առաջնորդների փոխգործակցության բոլոր նրբությունները։ Խորհրդանշական իրադարձությունը, որը առիթ հանդիսացավ Իլհամ Ալիևի և Վլադիմիր Պուտինի առաջին անձնական հանդիպման համար, «այն բանից հետո, երբ երկու առաջնորդները վստահորեն հաղթեցին իրենց երկրներում այս տարվա  նախագահական ընտրություններում», ԲԱՄ-ի՝ Բայկալ-Ամուրյան մայրուղու, շինարարության մեկնարկի 50-ամյակն է, գրում է Коммерсант-ը։

Եթե ​​Իրանի և Իսրայելի միջև մեծ հակամարտություն լինի, ապա Ադրբեջանը կարող է Իրանին հարվածելու համար ցատկահարթակ դառնալ։ Այս մասին «Ուժի գործոն» հաղորդաշարի եթերում NEWS.am -ի թղթակցի հետ զրույցում ասաց ամերիկյան Stratfor կենտրոնի վերլուծաբան Մեթյու Օրրը։

Թյուրքագետ Վարուժան Գեղամյանը գրել է․

ՀՀ առողջապահության նախկին նախարար, այժմ ԱԺ «Քաղաքացիական պայմանագիր» խմբակցության պատգամավոր Արսեն Թորոսյանը, որը երկար ժամանակ է, ինչ լարված է նախարար Անահիտ Ավանեսյանի հետ, որոշել է օգտվել առիթից և ՀՀ առողջապահության նախարարությունում տեղի ունեցող քննչական գործողությունների ֆոնին փորձում է առաջ մղել առողջապահության նախարարի իր թեկնածուին։ Այս մասին գրում է «Ժողովուրդ» օրաթերթը։

ՀՀ վարչապետ Նիկոլ Փաշինյանը հող է նախապատրաստում Հայոց ցեղասպանության տարելիցի օրը աշխարհացունց ուղերձ հրապարակելու համար, որով հավանաբար «կուրանա» հայոց պատմության այդ էջը՝ փորձելով բավարարել թշնամու հերթական պահանջը, նման եզրակացություն է արել «Հրապարակ» օրաթերթը՝ ապրիլի 13-ին ՔՊ Ժողովրդավարության դպրոցում «ՀՀ սոցիալ-հոգեբանությունը» թեմայով Փաշինյանի դասախոսությունից հետո։

Ամեն տարի ապրիլի 24-ին հայերս սպասում էինք ԱՄՆ նախագահների ելույթին և ամեն անգամ, երբ նրանք գործածում էին «ջարդ» եզրույթը, դա համարում էինք ժխտողականության դրսևորում։ News.am-ի թղթակցի հետ զրույցում դրա մասին հայտնել է ցեղասպանությունների ուսումնասիրության փորձագետ Սուրեն Մանուկյանը։ «Այս անգամ լուրջ անհանգստությամբ սպասում եմ Փաշինյանի՛ ապրիլի 24-ի ելույթին: Միևնույն ժամանակ, վստահ եմ, որ ԱՄՆ նախագահը ճիշտ եզրույթ կգործածի, ինչպես դա անում է արդեն երեք տարի»,- ասել է փորձագետը։  

Բռնի տեղահանված արցախցիների 30-40 տոկոսը, ոչ պաշտոնական տվյալներով, պատրաստվում են դպրոցական արձակուրդները սկսվելուն պես լքել Հայաստանի Հանրապետությունը: Sputnik Արմենիայի հետ զրույցում այս մասին ասաց Արցախի Ազգային ժողովի «Արդարություն» խմբակցության պատգամավոր, «Արդարություն ու վերադարձ» հասարակական կազմակերպության համահիմնադիր Մետաքսե Հակոբյանը։  

Արցախի պաշտպանության նախկին նախարար Ջալալ Հարությունյանի դեմ հարուցված քրեական գործով Սյունիքի մարզի դատարանում ապրիլի 11–ին վկաներ են հարցաքննվել։ Այս մասին հայտնում է «Ժողովուրդ» օրաթերթը։