2020-12-13 19:50
Լրատվական գործակալություններ
0
ԵԱՀԿ Մինսկի խմբի Ֆրանսիայի և ԱՄՆ-ի համանախագահները ժամանել են Երևան
Այսօր՝ դեկտեմբերի 13-ին, ԵԱՀԿ Մինսկի խմբի Ֆրանսիայի և ԱՄՆ-ի համանախագահներ Ստեֆան Վիսկոնտին և Էնդրյու Շոֆերը ժամանել են Երևան:
Մեկ օր առաջ նրանք եղել են Բաքվում, որտեղ հանդիպել են Ադրբեջանի նախագահ Իլհամ Ալիևի հետ:
ԵԱՀԿ Մինսկի խմբի համանախագահ Ստեֆան Վիսկոնտին Ադրբեջանի նախագահ Իլհամ Ալիևի հետ հանդիպման ժամանակ հայտարարել էր, որ ԵԱՀԿ ՄԽ համանախագահները պատրաստ են փնտրել ղարաբաղյան հակամարտության կարգավորման տարբերակները՝ հաշվի առնելով կողմերի ցանկությունը:
Ինքն՝ Ալիևն իր հերթին հայտարարել էր, որ ԵԱՀԿ ՄԽ-ն որևէ դեր չի ունեցել ղարաբաղյան հակամարտության կարգավորման հարցում, և որ նա չի հրավիրել ԵԱՀԿ ՄԽ համանախագահներին Բաքու, տեղեկացնում է News.am-ը: