Կրեմլ․ ՀԱՊԿ-ի աշխատանքին միջամտելու փորձերը կշարունակվեն

Հավաքական անվտանգության պայմանագրի կազմակերպության (ՀԱՊԿ) աշխատանքին միջամտելու փորձերը կշարունակվեն, սակայն, չնայած դրան, ասոցիացիան շարունակում է պահանջարկ ունենալ, ՌԴ նախագահի խոսնակ Դմիտրի Պեսկովի խոսքերը փոխանցում է ՏԱՍՍ լրատվական գործակալությունը։

«ՀԱՊԿ-ը փլուզելու փորձեր միշտ էլ եղել են և հետագայում էլ կշարունակվեն»,- ասել է Կրեմլի խոսնակը լրագրող Պավել Զարուբինին տված հարցազրույցում։

«Սակայն գոնե հիմա մենք տեսնում ենք, որ, չնայած բոլոր դժվարություններին, չնայած հնարավոր հակասություններին՝ նույնիսկ անդամ պետությունների միջև, այս կառույցը դեռևս պահանջարկ ունի։ Եվ այն լիովին ցուց է տվել իր արդիականությունն ու արդյունավետությունը՝ նկատի ունենալով Ղազախստանում իրավիճակի կարգավորումը»,- ընդգծել է Պեսկովը։

News.am