Լիխաչով․ «Ռոսատոմը» պատրաստ է ԵԱՏՄ հարևաններին առաջադեմ տեխնոլոգիաներ առաջարկել
«Ռոսատոմը» պատրաստ է ԵԱՏՄ հարևաններին առաջադեմ տեխնոլոգիաներ առաջարկել, որոնք կներդրվեն պետական կորպորացիայի կողմից, հայտնել է կորպորացիայի ղեկավար Ալեքսեյ Լիխաչովը։
«Ատոմն ամուր մտել է առհասարակ ԵԱՏՄ-ի և դրա կազմում գտնվող յուրաքանչյուր երկրի հետ երկկողմ հարաբերությունների օրակարգ։ Բելառուսը, Հայաստանը, Ղազախստանը, Ղրղզստանը, բոլորն իրենց զարգացման ծրագրերը կապում են անմիջականորեն ատոմային էներգետիկայի, ատոմային իրավասությունների հետ, այդ երկրներից յուրաքանչյուրը մեր լավ գործընկերն է»,-Ալմաթիում լրագրողներին ասել է Լիխաչովը։
Նա ընդգծել է, որ երկրները կապված են փառավոր անցյալով, որով բոլորը հպարտանում են, բայց կա նաև ոչ պակաս հեռանկարային ապագան։
«Եվ բոլոր տեխնոլոգիաները, որոնք այսօր «Ռոսատոմում»մ առաջադեմ են, մենք, իհարկե, նախատեսում ենք առաջին հերթին մեզ մոտ ներդնել, բայց դրան զուգահեռ առաջարկել մեր հարևաններին»,-հայտարարել է պետկորպորացիայի ղեկավարը:
Լիխաչովը հավելել է, որ «գրեթե բոլոր երկրների հետ բանակցություններ են ընթանում նաև մեր այսօրվա բեսթսելեր ՋՋԷՌ-1200-ով ատոմակայանների գեներացնող հզորությունների ստեղծման շուրջ՝թե՛ փոքր, թե՛ միջին հզորության»:
Նա նշել է, որ Ղազախստանի հետ «Ռոսատոմին» կապում են թե՛ լուրջ նախագծերը, թե՛ վստահելի համագործակցությունը ուրանի արդյունահանման ոլորտում։ «Մեծ ծրագրեր կան առհասարակ, ընդհանուր առմամբ վառելիքի ցիկլի վերաբերյալ, այդ թվում՝ երրորդ երկրներ մատակարարումների շահերից ելնելով։ Ուստի Եվրասիական միջկառավարական գագաթնաժողովի շրջանակներում մենք անցկացնում ենք մեր բանակցությունները և ակտիվորեն մասնակցում ենք երկկողմ շփումներին»,-ասել է Լիխաչովը։
Sputnik Արմենիա
