Բլինքենը հայտնել է Գազայում հրադադարի կնքման համաձայնագրի «վերջին հնարավորության» մասին

ԱՄՆ պետքարտուղար Էնթոնի Բլինքենը, որն այցով գտնվում է Իսրայելում՝ Իսրայելի և ՀԱՄԱՍ-ի միջև հրադադարի հասնելու և պատանդների վերադարձի նպատակով, հայտնել է, որ ընթացող բանակցությունները «գուցե, վերջին շանսն են»՝ հասնելու հրադադարի համաձայնության, տեղեկացրել է Times of Israel-ը։

«Սա վճռական պահն է, գուցե լավագույն, գուցե վերջին հնարավորությունը՝ տուն վերադարձնելու պատանդներին, հասնելու հրադադարի և բոլորին դեպի ամուր խաղաղություն և անվտանգություն տանող լավագույն ճանապարհին դնելու համար»,- ասել է Բլինքենը Իսրայելի նախագահ Իցհակ Հերցոգի հետ հանդիպման ժամանակ։

ԱՄՆ պետքարտուղարի խոսքով՝ ինքն աշխատում է նաև, որպեսզի թույլ չտա թեժացում տարածաշրջանում Իսրայելի վրա Իրանի հնարավոր հարձակման երկյուղների ֆոնին, Թեհրանում հուլիսին ՀԱՄԱՍ-ի քաղբյուրոյի ղեկավար Իսմայիլ Հանիեի սպանությունից հետո։

News.am