Ալեն Սիմոնյանն ամուսնալուծվել է

ՀՀ Ազգային ժողովի նախագահ Ալեն Սիմոնյանն ու Մարիամ Մարգարյանն ամուսնալուծվել են։ Այս մասին գրում է Irakanum.am-ը։

Կայքի տեղեկություններով` նրանք դիմել են ՔԿԱԳ կենտրոն և հայտնել ամուսնալուծվելու ցանկության մասին։ Օրենքի համաձայն՝ նրանց ժամանակ է տրվել գործընթացն ավարտին հասցնելու համար։

Ալեն Սիմոնյանը Irakanum.am–ի հետ զրույցում հաստատել է լուրը՝ նշելով, որ շատ է ցավում տեղի ունեցածի համար։

Լրատվամիջոցի տեղեկություններով` Ալեն Սիմոնյանի և Մարիամ Մարգարյանի ամուսնալուծության գործընթացը տեղի է ունեցել փոխադարձ համաձայնությամբ։

Նշենք, որ Ալեն Սիմոնյանի և կնոջ բաժանման մասին արդեն տևական ժամանակ է խոսվում։ Նաև մի քանի տարի է՝ սոցիալական ցանցերում և ԶԼՄ-ներում լուրեր են պտտվում, որ Ալեն Սիմոնյանը սիրավեպ ունի իր ընկերներից մեկի դստեր՝ դերասանուհի Անելյա Գուբրյանի հետ։ Նրանց տարիքային տարբերությունը 20 տարի է։

Sputnik Արմենիա