Մարինա ԳՐԻԳՈՐՅԱՆ

հոդվածներ 259

«ԳԱ» գլխավոր խմբագրի տեղակալ։

Ժուռնալիստիկայում է 1987 թվականից։ Մասնագիտական հետաքրքրությունները. Ղարաբաղյան հիմնախնդիր, Հայոց Ցեղասպանություն, հակամարտությունների կարգավորում և տարածաշրջանային քաղաքական խնդիրներ։ Աշխատել է հայկական և ռուսական մի շարք ԶԼՄ-ներում, կազմակերպություններում և գերատեսչություններում, եղել է Միջազգային ֆրանսիական ռադիոյի (RFI ) թղթակից։ 1995 թվականին առաջադրվել է ՀՀ ԱԺ պատգամավորության թեկնածու։ Ժուռնալիստական մի քանի մրցանակների դափնեկիր է, 2013 թվականին պարգևատրվել է Լեռնային Ղարաբաղի Հանրապետության «Վաչագան Բարեպաշտ» մեդալով։

1997 թվականից «Ընդդեմ իրավական կամայականության» ՀԿ-ի խորհրդի անդամ է։ 2009 թվականից ղեկավարում է «Սովորական ցեղասպանություն» նախագիծը, որն իրագործվում է ՀՀ նախագահի վարչակազմի Հասարակական կապերի և տեղեկատվության կենտրոնի կողմից և որի շրջանակներում ստեղծվում են փաստագրական ֆիլմեր, ինտերնետ-կայքեր և հրատարակվում են գրքեր, նվիրված ղարաբաղյան հակամարտության տարածաշրջանի 1988-1992թթ. իրադարձություններին։

Հետաքրքրությունները. գրականություն, կինո, ճանապարհորդություններ, թարգմանություններ։ Մոսկվայում հրատարակված դետեկտիվ վեպերի հեղինակ է։ Տիրապետում է հայերեն, ռուսերեն և անգլերեն լեզուներին։

Բոլոր հոդվածները

  • 2022-12-20 07:52
    анализ

    ՄՈՒՐԻ ԱՅՑԸ. ՓԱՇԻՆՅԱՆԸ ՊԱՐՏԱՎՈՐ Է ՊԱՐԶԱԲԱՆԵԼ, ԹԵ ԻՆՉ Է ՔՆՆԱՐԿԵԼ «ՄԻ-6»-Ի ՂԵԿԱՎԱՐԻ ՀԵՏ

    Արցախի վերջնական հանձնման և Հայաստանի թուրքացման ուղղությամբ անխոնջ աշխատող ԱԱԽ քարտուղար Արմեն Գրիգորյանը դեկտեմբերի 12-ին Լոնդոնում հանդիպել է բրիտանական ՄԻ-6-ի՝ արտաքին հետախուզության (պաշտոնական անվանումը՝ «Մեծ Բրիտանիայի ԱԳՆ գաղտնի հետախուզական ծառայություն») ղեկավար Ռիչարդ Մուրի հետ։ ՀՀ Անվտանգության խորհրդի մամլո ծառայությունը սահմանափակվեց ընդհանուր հերթապահ հաղորդագրությամբ, թե իբր՝ Լոնդոնում Գրիգորյանի հանդիպումները նվիրված էին «անվտանգության ոլորտում հետագա համագործակցության հարցերին»։ Հիշեցնեմ, որ հենց դեկտեմբերի 12-ին արգելափակվեց Արցախի «կյանքի ճանապարհը»՝ Բերձորի միջանցքը։

  • 2022-12-16 20:04
    анализ

    ԱՐՑԱԽԻ ՇՐՋԱՓԱԿՄԱՆ 5-րդ ՕՐԸ. ԻՆՉՈ՞Վ ԵՆ ԶԲԱՂՎԱԾ ՀՀ ԱԳՆ-ը, ԴԵՍՊԱՆՆԵՐՆ ՈՒ ԴԵՍՊԱՆՈՒՀԻՆԵՐԸ

    Բերձորի միջանցքի արգելափակման 4-րդ օրը ՝ դեկտեմբերի 15-ին, Փաշինյանը բարեհաճեց անդրադառնալ Արցախի լիակատար շրջափակման հարցին, այն էլ՝ ընդամենը կառավարության նիստում։ Մինչ այդ Հայաստանի սույն «վարչապետը» բերանը ջուր էր առել և ոչ մի բառ չէր ասում ոչ միայն Արցախի, այլև ողջ հայության համար գոյաբանական կարևորության խնդրի մասին, ոչ մի անգամ հրապարակավ չդատապարտելով Ադրբեջանի գործողությունները և ոչ մի պահանջ չներկայացնելով իր «կառուցողական» յուզգյարներ Բաքվին ու Անկարային։

  • 2022-12-09 08:04
    вопросы и ответы

    ՀԻԼԴԱ ՉՈԲՈՅԱՆ. ՀԱՅԱՍՏԱՆԻՆ ԱՅՍՕՐ ԳԵՆԵՐԱԼ ԴԸ ԳՈԼ Է ՊԵՏՔ (Վերջաբան)

    Հարցազրույցի սկիզբը՝ հղումով։ «ԳԱ»-ի զրուցակիցն է Արդարության և ժողովրդավարության եվրոպական հայկական ֆեդերացիայի (EAFJD) հիմնադիր և նախկին ղեկավար, Իրավունքի և հակամարտությունների կարգավորման փարիզյան «Կովկաս» կենտրոնի ղեկավար Հիլդա Չոբոյանը: «Ֆրանսիացի նախարարը Սենատում հստակ հայտարարեց, որ ՀՀ իշխանություններն իրենց առջև Արցախի ճանաչման պահանջ չեն դնում»

  • 2022-12-08 18:58
    вопросы и ответы

    ՀԻԼԴԱ ՉՈԲՈՅԱՆ. ՀԱՅԱՍՏԱՆԻՆ ԱՅՍՕՐ ԳԵՆԵՐԱԼ ԴԸ ԳՈԼ Է ՊԵՏՔ

    «ԳԱ»-ի զրուցակիցն է Արդարության և ժողովրդավարության Եվրոպայի հայկական ֆեդերացիայի (EAFJD) հիմնադիր և նախկին ղեկավար, Իրավունքի և հակամարտությունների կարգավորման փարիզյան «Կովկաս» կենտրոնի ղեկավար Հիլդա ՉՈԲՈՅԱՆԸ: Նրա հետ հանդիպեցինք Գրենոբլում, ուր Ֆրանսիայի հայ համայնքի հայտնի գործիչը եկել էր հանդիպելու տեղի հանրության հետ։ Երեկոն, որին ներկա էր շուրջ 50 մարդ (գրեթե բոլորը՝ ֆրանսիացիներ), նվիրված Էր Հարավային Կովկասի իրողություններին՝ պատմական կտրվածքով, և ներկա իրավիճակին, այդ թվում՝ 44-օրյա պատերազմի պատճառների համատեքստում։ «Տարածաշրջանում երրորդ ուժ լինել չի կարող. կա՛մ Ռուսաստան, կա՛մ Թուրքիա»

  • 2022-12-02 09:31
    текущие события

    ՀԱՅՐԵՐ ԵՎ ԶԻՆՎՈՐՆԵՐ

    Սեպտեմբերի 7-ին ռուս ռազմական լրագրող Յուրի Կոտյոնոկը հրապարակեց մի տեսանյութ, որը բառացիորեն ցնցեց սոցցանցերի հայկական հատվածին։ Կադրերն արձանագրել էին զինվորին, որը փորձում էր միայնակ կասեցնել Ադրբեջանի ԶՈՒ ստորաբաժանումը Արցախի ներկայումս բռնազավթված շրջանում՝ Որոտանում (Կուբաթլու)։ Հրացանով ու նռնակով զինված կամավորը, կամ գուցե պահեստազորայինը ինչպես նշում է ռազմական թղթակիցը, չնայած հակառակորդի քանակական բացարձակ գերազանցությանը, փորձում էր կասեցնել ադրբեջանական շարասյունը և զոհվեց, թեև նրան առաջարկում էին հանձնվել՝ խոստանալով չսպանել։

  • 2022-11-26 08:42
    текущие события

    «ԿՈՌՈՒՊՑԻԱՅԻ ԴԵՄ ՊԱՅՔԱՐԸ»՝ ՈՐՊԵՍ ՔՈՂ. ԹՈՐՈՍՅԱՆՆ ՈՒ ԱՎԱՆԵՍՅԱՆԸ ԱՌԱՋՎԱ ՊԵՍ ԱՆՁԵՌՆՄԽԵԼԻ ԵՆ

    Վերջին ամիսներին իշխանությունները կարծես թե բուռն գործունեություն են ծավալել կոռուպցիայի դեմ։ Մշտապես հաղորդագրություններ են հայտնվում այս կամ այն նախկին պաշտոնյայի ապօրինի գույքը բռնագանձելու, այս կամ այն գերատեսչությունում կոռուպցիոն սխեմաների կամ առանձին դեպքերի բացահայտման, պետհաստատությունների աշխատակիցների ձերբակալման, միլիոնավոր ու միլիարդավոր դրամներ բյուջե վերադարձնելու մասին և այլն։

  • 2022-11-23 18:49
    анализ

    ԱՐՑԱԽԻ ՀԱՏՈՒԿՋՈԿԱՏԱՅԻՆՆԵՐԻ ԳՈՐԾՈՂՈՒԹՅՈՒՆԸ, կամ ՄԵՐ ՄԱՍԻՆ՝ ԱՅՆ ԺԱՄԱՆԱԿ, ԵՎ ՄԵՐ ՄԱՍԻՆ՝ ՀԻՄԱ

    Դա ընդամենը 8 տարի առաջ էր, բայց թվում է, թե այլ կյանքում էր: Այն կյանքում, որում մենք հաղթող էինք, որում մեր բանակն ուժեղ ու հզոր էր, Հայաստանի և Արցախի հուսալի պաշտպան և հայ ժողովրդի սիրելի զավակ։ Այդ կյանքում իշխանությունները լիովին տիրապետում էին հայկական երկու պետությունների սահմաններին տիրող իրավիճակին, Հայոց բանակի հրամանատարությունը բարձր պրոֆեսիոնալ էր և վստահ իր ուժերին, գեներալները տալիս էին համարժեք հրամաններ, իսկ զինվորները պատրաստ էին կատարել ամենաբարդ, անիրագործելի թվացող առաջադրանքներ։ Ինչպես, օրինակ, 2014 թվականի նոյեմբերի 22-ին։

  • 2022-11-10 08:28
    анализ

    ԵՐԿՈՒ ՏԱՐԻ՝ ԱՌԱՆՑ ՇՈՒՇԻԻ. ԻՆՉՊԵ՞Ս ԵՍ ԱՊՐՈՒՄ ԱՅԴ ԲԵՌԸ ԽՂՃԻԴ, ՆԻԿՈԼ

    Կփոխվի հայերի բնավ ոչ մեկ սերունդ, և նույնիսկ այն բանից հետո, երբ մենք կրկին կազատագրենք մեր քաղաքը, այն գիշերը դժվար թե մոռացվի: Գիշեր, երբ նա հանձնեց Շուշին։ Գիշեր, երբ բոլորն արդեն գիտեին, որ Շուշին հանձնվել է, բայց նա շարունակում էր անամոթաբար ստել. «Շուշիի համար մարտերը շարունակվում են»։ Նրան ակտիվորեն աջակցում էր 44-օրյա աննախադեպ պաշտոնական ստախոսության գլխավոր մունետիկը. «Գյոռբագյոռ 2020. չմոռանանք պատմության համար»։ Գերազանց իմանալով, որ Շուշին, ՇՈՒՇԻ՛Ն, հանձնվել է թշնամուն, նրանք, առանց վարանման նշույլի և խղճի չնչին իսկ խայթի, ստահոդ ստատուսներ էին խզբզում Ֆեյսբուքում, իսկ իրենց կողմնակիցները շանթ ու որոտ էին թափում ճշմարտությունն ասողների գլխին և մեղադրում նրանց խուճապ ու հականիկոլական տրամադրություններ տարածելու մեջ…

  • 2022-11-09 08:22
    текущие события

    ԳՌԶՈՅԻ ԵՐՋԱՆԿՈՒԹՅՈՒՆԸ. ՓԱՇԻՆՅԱՆԻ ԻՆՉԻ՞Ն Է ՊԵՏՔ ԽԱՉԱԿՐԱՑ ԱՐՇԱՎԱՆՔԸ ՍՈՒՔԻԱՍՅԱՆԻ ԴԵՄ

    ՀՀ գլխավոր դատախազությունը նոյեմբերի 7-ին վաղ առավոտից սենսացիա մատուցեց, որն անմիջապես դարձավ օրվա թեման. գերատեսչությունը դիմել է Վարչական դատարան՝ Երևանի կենտրոնում գտնվող պատմական շենքի սեփականաշնորհման գործարքն անվավեր ճանաչելու նպատակով: Հաղորդագրության մեջ ասվում է, որ դրա համար առիթ է ծառայել Hetq.am կայքի հոդվածը՝ «$ 5655. սեփականաշնորհում «ջրի գնով» վերտառությամբ: Մի քանի ժամ անց շենքի սեփականատեր Խաչատուր Սուքիասյանը խորհրդարանի պատերի ներսում երեսպաշտության և խեղկատակության վարպետության դաս տվեց լրագրողներին, ինչի համար, ըստ ամենայնի, կարժանանա առնվազն երկու դատական հայցի:

  • 2022-11-02 19:15
    анализ

    2+1. ՍՈՉԻԻ ԳԱԳԱԹՆԱԺՈՂՈՎՈՒՄ ՀԱՅԱՍՏԱՆԸ ՆԵՐԿԱՅԱՑՈՒՑԻՉ ՉՈՒՆԵՐ

    Համացանցը լի է Սոչիում կայացած եռակողմ հանդիպման, մասնավորապես՝ այնտեղ ընդունված ամփոփիչ հայտարարության վերաբերյալ մեկնաբանություններով: Հայ և ռուս փորձագետներն ու քաղաքական գործիչները հայտարարում են Հայաստանի դե ֆակտո իշխանությունների դիվանագիտական հերթական ձախողման մասին՝ ընդգծելով, որ հայկական օրակարգի ամենացավոտ հարցերից ոչ մեկը փաստաթղթում անդրադարձ չի ստացել։