Հռոմի Ֆրանցիսկոս պապը կոչ է արել դադարեցնել ռազմական գործողությունները Լեռնային Ղարաբաղում և խաղաղ լուծումներ փնտրել՝ ի շահ ժողովրդի, հայտնում է RIA Novosti-ն։
Սեպտեմբերի 19-ին կառավարության շենքի մոտ բախումների հետևանքով տուժած քաղաքացիներից երեքը շարունակում են բուժում ստանալ։ Տեղեկությունը հայտնում է ՀՀ ԱՆ մամուլի ծառայությունը։
Արցախի դեմ Ադրբեջանի ագրեսիայի հետևանքով զոհվել է մոտ 100 մարդ, հարյուրավոր մարդիկ վիրավորվել են։ Այս մասին Reuters-ին տված հարցազրույցում ասել է Արցախի նախկին պետնախարար Ռուբեն Վարդանյանը։
Սեպտեմբերի 19-ին Կարմիր խաչի միջազգային կոմիտեն Արցախի երկու հիվանդանոցներին բժշկական անհրաժեշտ պարագաներ է փոխանցել։ Տեղեկությունը Sputnik Արմենիային հայտնեց Կարմիր Խաչի հայաստանյան գրասենյակի հաղորդակցության ծրագրերի պատասխանատու Զառա Ամատունին:
Արցախի Հանրապետության իշխանությունները պետք է շատ արագ ու համարձակ կերպով որոշումները կայացնեն ու հրապարակային կերպով ներկայացնեն ժողովրդին, որքան էլ դրանք ծանր լինեն, իսկ ժողովուրդը պետք է ըմբռնի իրավիճակից բխած այդ ճարահատյալ քայլը: Այս մասին ֆեյսբուքյան իր էջում գրել է Արցախի նախկին պետնախարար Արտակ Բեգլարյանը:
Մի խումբ երիտասարդներ երևանյան բուհերով առավոտից իրազեկման ակցիա են անցկացնում` ուսանողներին կոչ անելով անտարբեր չմնալ և միանալ Հանրապետության հրապարակում անցկացվող բողոքի ակցիային` հանուն Արցախի փրկության։
Լեռնային Ղարաբաղի առավել վտանգավոր բնակավայրերից ավելի քան 2000 մարդ է տարհանվել, որից 1049-ը` երեխա։ Տեղեկությունը հայտնում է ՌԴ պաշտպանության նախարարությունը։
Ստեփանակերտի քաղաքապետարանը մարդկանց հորդորում է մնալ ապաստարաններում։
Ամերիկահայությունը Նյու Յորքում ՄԱԿ-ի գրասենյակի հարևան փողոցում բողոքի ակցիա է իրականացրել՝ ընդդեմ Ադրբեջանի կողմից Արցախի դեմ ռազմական ագրեսիայի: Նրանց ձեռքին կան պաստառներ. «Դադարեցրեք Լեռնային Ղարաբաղի շրջափակումը», «Գործեք հիմա, կանխելու ցեղասպանությունը», «30 հազար երեխաներ զրկված են հիմնարար մարդու իրավունքներից», «ՄԱԿ, դու պարտավոր ես դադարեցնել ցեղասպանությունը Լեռնային Ղարաբաղում», «Պատժեք Ադրբեջանին ռազմական հանցագործությունների համար», «ՄԱԿ, Արցախ ուղարկիր խաղաղապահների և դիտորդների»:
Արցախի Հանրապետության նախագահ Սամվել Շահրամանյանը սեպտեմբերի 20-ին հրավիրել է Անվտանգության խորհրդի ընդլայնված նիստ։ Այս մասին հաղորդում են ԱՀ նախագահի աշխատակազմի տեղեկատվության գլխավոր վարչությունից: